Dhanush என்னா அடி... இதுதான் தனுஷ் பிஜிஎம்மா?

தனுஷ் நடிப்பில் கார்த்திக் சுப்புராஜ் இயக்கும் தனுஷ் 40 படத்தின் பர்ஸ்ட் லுக் போஸ்டர் இன்று வெளியாகும் என அறிவிக்கப்பட்டுள்ளது. இந்நிலையில், இசையமைப்பாளர் சந்தோஷ் நாராயணன் தனது ட்விட்டர் கணக்கில் வீடியோ ஒன்றை வெளியிட்டார். இதைப் பார்த்ததும் தனுஷ் ரசிகர்கள் அவரது ட்விட்டுக்கு படையெடுத்தார்கள். ரி ட்வீட்களை தெறிக்க விட்டார்கள். கமெண்ட் பாக்ஸ் நிரம்பி வழிந்தது.

என்ன காரணம் என்றால், தனுஷ் நடிக்கும் 40 வது படத்திற்கு இசை சந்தோஷ் நாராயணன்தான். இதனால் அந்த இசை தனுஷ் படத்துக்காகத்தான் இருக்கும் என கூறி வருகிறார்கள். மதுரை சுற்று வட்டாரத்தில் இந்த வகை இசை பிரபலம். இதனால் படத்துக்காக இசை பயன்படுத்தப் பட்டிருக்கலாம்தான்.

ஆனால், இந்த இசை இன்று வெளியாகவுள்ள தனுஷ் மோஷன் போஸ்டரில் இடம் பெறும் என தகவல் வெளியாகியுள்ளது. அதனால்தான், இன்று அதிகாலையிலேயே இந்த வீடியோவை வெளியிட்டுள்ளார் சந்தோஷ்.

இந்த வீடியோவை பார்த்தவர்கள் என்னா அடி, கிழி கிழினு கிழிக்கிறாய்ங்களே என்று மதுரை ஸ்லாங்கில் கமெண்ட் செய்து வருகிறார்கள்.

தனுஷ் நடிக்கும் இந்த படத்தின் பர்ஸ்ட் லுக் போஸ்டர் மாலை 5 மணிக்கு வெளியாகவுள்ளது. இந்த படத்தில் ஐஸ்வர்யா லக்ஷ்மி, சஞ்சனா நடராஜன், கலையரசன் உள்ளிட்டோர் நடித்துள்ளார்கள்.