சினிமாவில் களமிறங்கும் சச்சின் டெண்டுல்கரின் மகள்!

பிரபல கிரிக்கெட் வீரர் சச்சின் டெண்டுல்கரின் மகள் சாராவுக்கு தற்போது சினிமாவில் நடிக்கும் ஆசை வந்துவிட்டதாக கூறப்படுகிறது.

இந்திய ரசிகர்களால் கொண்டாடப்பட்டவர்களில் ஒருவர் கிரிக்கெட் வீரர் சச்சின் டெண்டுல்கர். இவர் இந்தியாவுக்காக கிரிக்கெட்டில் பல சாதனைகளை படைத்துள்ளார். இவர் டாக்டர் அஞ்சலி திருமணம் செய்து கொண்டார். அவருக்கு சாரா என்ற மகளும், அர்ஜூன் என்ற மகனும் இருக்கிறார்கள். சாரா தற்போது கல்லூரி படிப்பை முடித்து விட்டார். அவருக்கு தற்போது 20 வயதாகிறது. அவர் கல்லூரி படிக்கும் போது சினிமாவில் நடிக்கும் வாய்ப்பு வந்தது. படிப்பால் அதை மறுத்துவிட்டார்.

தற்போது படிப்பை முடித்து விட்டால் அடுத்ததாக சினிமாவில் நடிக்கும் ஆசை வந்துவிட்டது சாராவுக்கு. அண்மைகாலமாக பொது நிகழ்ச்சிகளில் அவர் மாடர்ன் உடைகளில் கலந்துகொண்டு எல்லோர் கவனத்தையும் ஈர்த்து வருகிறார். இவரின் புகைப்படங்கள் இன்ஸ்டாகிராமில் வந்துள்ளது.