கொடிவீரன்’னாக களமிறங்கும்- சசிகுமார்!

இயக்குனர் முத்தையா இயக்கத்தில் சசிகுமார் ‘கொடிவீரனாக’ களத்தில் இறங்குகிறார்.

‘குட்டிப்புலி’ படம் மூலம் இயக்குனராக அறிமுகமானவர் முத்தையா. இவரை அறிமுகப்படுத்திய சசிகுமார். ‘குட்டிப்புலி’ படத்தின் வெற்றியை தொடர்ந்து ‘கொம்பன்’, ‘மருது’ படங்களை இயக்கினார் முத்தையா. இந்த இரண்டு படங்களிலும் சாதிப்பெருமை அதிகமாக வெளிப்பட்டதுடன் சில எதிர்ப்புகளும் கிளம்பின. இவருடைய இயக்கத்தில் நடிக்க இருந்த சூர்யா திடீரென மறுத்துவிட்டார்.

இந்நிலையில் முத்தையாவுக்கு மீண்டும் வாய்ப்பு கொடுத்துள்ளார் சசிகுமார். சசிகுமாரை வைத்து முத்தையா இயக்கும் இந்த படத்திற்கு ‘கொடிவீரன்’ என்று தலைப்பு வைத்திருக்கிறார். தான் இயக்கிய முதல் படமான ‘குட்டிப்புலி’, இரண்டாவது படமான ‘கொம்பன்’, மூன்றாவது படமான ‘மருது’ ஆகிய படங்களை கிராமத்துப் பின்னணியில் எடுத்தார் முத்தையா. இப்படத்தின் படப்பிடிப்பு மார்ச் மாதம் 25-ம் தேதி சிவகங்கையில் ஆரம்பமாகிறது.