கௌதம் மேனன் படத்தில் நடிக்கும் சசிகுமார்?

தனுஷை வைத்து கௌதம் மேனன் இயக்கி வரும் ‘என்னை நோக்கி பாயும் தோட்டா’ படத்தில் சசிகுமார் நடிக்கவுள்ளதாக கூறப்படுகிறது.

தனுஷ் நடிப்பில் கௌதம் மேனன் இயக்கத்தில் உருவாகிவரும் படம் ‘என்னை நோக்கி பாயும் தோட்டா’.. இந்தப் படத்தில், தனுஷுக்கு ஜோடியாக மேகா ஆகாஷ் நடித்துள்ளார். படத்துக்கு தர்புகா ஷிவா இசையமைக்கிறார். சில பிரச்னைகளால் இந்தப் படம் கிடப்பில் இருந்தது. தற்போது இந்தப் படம் புத்துயிர் பெற்றது.

நடிகர் தனுஷ் சில நாட்கள் இந்தப் படத்தில் நடித்தார். அதன்பிறகு ‘மாரி 2’ படத்தில் நடிக்கச் சென்றுவிட்டார். இந்தப் படம் முடிந்ததும் மீண்டும் ‘என்னை நோக்கி பாயும் தோட்டா’ படத்தில் தனுஷ் நடிப்பார் என்று தெரிகிறது. அப்போது தனுஷுடன் சசிகுமாரும் இணைந்து நடிக்க இருக்கிறார் என்கிறார்கள். இந்தப் படத்தில் ராணாவும் கெஸ்ட் ரோலில் நடிக்கிறார். அதே மாதிரி சசிகுமாரும் கெஸ்ட் ரோலில் நடிக்கவுள்ளதாக தெரிகிறது.