‘சதுரங்க வேட்டை 2’ டீசர் தேதி அறிவிப்பு!

‘சதுரங்க வேட்டை 2’ படத்தின் டீசர் தேதி தற்போது வெளியாகவுள்ளது.

அரவிந்தசாமி, த்ரிஷா நடிப்பில் உருவாகி வரும் படம் ‘சதுரங்க வேட்டை’. இந்தப் படத்தின் படப்பிடிப்பு தற்போது விறுவிறுப்பாக நடந்து வருகிறது. இந்த படத்தின் படப்பிடிப்பு இன்னும் ஒருசில நாட்களில் முடிந்து விடும் என தெரிகிறது. இந்நிலையில் இந்த படத்தின் டீசர் ரிலீஸ் தேதி தற்போது அறிவிக்கப்பட்டுள்ளது.

இந்த படத்தின் டீசர் ஆகஸ்ட் 11ஆம் தேதி அதாவது நாளை வெளியாகவுள்ளது. ஏற்கனவே இன்னும் 48 மணி நேரத்தில் இந்த படத்தின் டீசர் வெளியாகும் என்று த்ரிஷா தனது டுவிட்டரில் அறிவித்திருந்தார் என்பது குறிப்பிடத்தக்கது

இந்தப் படத்தை நடிகர் மனோபாலா தயாரித்து வருகிறார். படத்தில் அரவிந்தசாமி, த்ரிஷா, பூர்ணா, நாசர், ராதாரவி, ஸ்ரீமான் உள்பட பலர் நடித்து வருகின்றனர். படத்தை நிர்மல் குமார் இயக்கி வருகிறார். இந்த படத்திற்கு அஸ்வின் வினாயகமூர்த்தி இசையமைத்து வருகிறார்.