‘விஜய் சாருக்குத்தான் எல்லாப் பெருமையும் சேரும்’: - சாயிஷா!

எனக்குக் கிடைக்கும் எல்லாப் பெருமையும், விஜய் சாரைத்தான் சேரும் என நடிகை சாயிஷா சைகல் கூறியுள்ளார்.

இயக்குனர் ஏ.எல். விஜய் இயக்கத்தில் உருவான படம் ‘வனமகன்’. இந்தப் படத்தில் ஜெயம் ரவிக்கு ஜோடியாக அறிமுக நடிகை - சாயிஷா சைகல் நடித்துள்ளார். இந்தப் படம் கடந்த வாரம் வெளியானது. ‘வனமகன்’ படம் பல பேருக்கு படம் பிடித்திருந்ததோ, இல்லையோ, அதில் நடித்த நடிகை சாயிஷாவை எல்லோருக்கும் பிடித்துவிட்டது. படத்தில் ‘டம் டம்‘ பாடலுக்கு அவர் ஆடிய ஆட்டத்தைப் பார்த்து, தமிழ் ரசிகர்கள் கிறங்கிப்போய் கிடக்கிறார்கள்.

இந்தப் படம் குறித்து நடிகை சாயிஷா கூறுகையில், “எனக்கு வரும் பாராட்டும் புகழும் விஜய் சாரைத்தான் சேரும். என்னுடைய முதல் படத்தையே, மிகச்சிறந்த வெற்றிப்படமாகக் கொடுத்திருக்கிறார். எனக்கு தமிழில் நல்ல அடித்தளம் கிடைத்துவிட்டது” என்கிறார் சாயிஷா.
அடுத்ததாக, பிரபுதேவா இயக்கும் ‘கறுப்பு ராஜா வெள்ளை ராஜா’ படத்தில் நடிக்கிறார் சாயிஷா. விஷால் - கார்த்தி என இரண்டு ஹீரோக்கள் நடிக்கும் இந்தப் படத்தின் படப்பிடிப்பு, விரைவில் தொடங்க இருக்கிறது.