முதல் ஜேம்ஸ் பாண்ட் நடிகர் ஷான் கானரி காலமானார்

ஜேம்ஸ் பாண்ட் படங்களுக்கு என தனி ரசிகர்கள் கூட்டம் உள்ளது. முதன் முதலாக ஜேம்ஸ் பாண்டாக நடித்தவர் ஷான் கானரி. 1962ம் ஆண்டு வெளியான டாக்டர் நோ படத்தில் ஜேம்ஸ் பாண்டாக நடித்தார்.

அதன் பிறகு ரஷ்யா வித் லவ், கோல்டுஃபிங்கர், தண்டர்பால், யு ஒன்லி லிவ் ட்வைஸ் மற்றும் டைமண்ட்ஸ் ஆர் ஃபார்எவர் ஆகிய படங்களில் ஜேம்ஸ் பாண்டாக நடித்தார். 1983ம் ஆண்டு வெளியான நெவர் சே நெவர் அகெய்ன் படத்தில் கம்பேக் கொடுத்தார்.

ஸ்காட்லாந்தில் உள்ள எடின்பெர்கில் பிறந்த ஷான் கானரி பஹாமாஸில் தன் குடும்பத்துடன் வசித்து வந்தார். சில காலமாக உடல்நலம் பாதிக்கப்பட்டிருந்த ஷான் கானரி காலமானார். அவரின் உயிர் தூக்கத்திலேயே பிரிந்ததாக மகன் தெரிவித்துள்ளார். அவருக்கு வயது 90.
50 ஆண்டுகளாக படங்களில் நடித்து வந்த ஷான் கானரிக்கு தி அன்டச்சபிள்ஸ் படத்திற்காக 1988ம் ஆண்டு ஆஸ்கர் விருது கிடைத்தது.

ஷான் கானரி குறித்து அவரின் மகன் ஜேசன் கூறியாதவது,

என் தந்தையின் கடைசி நேரத்தில் குடும்பத்தார் அவருடன் இருந்தனர். என் தந்தையை தெரிந்த அனைவருக்கும் இது சோகமான நாள். அவரை ஒரு நடிகராக விரும்பும் அனைவருக்கும் இது பெரிய இழப்பு என்றார்.

ஷான் கானரியின் மறைவு குறித்து அறிந்த உலக சினிமா ரசிகர்களும், திரையுலக பிரபலங்களும் தங்கள் ஆழ்ந்த இரங்கலை தெரிவித்து ட்வீட் செய்து கொண்டிருக்கிறார்கள். இதனால் RIP legend என்கிற ஹேஷ்டேக் ட்விட்டரில் டிரெண்டாகி வருகிறது.

பிரமாண்ட இயக்குநரின் படம் ரிலீஸானால் தியேட்டர்களை கொளுத்துவோம்: பாஜக எம்.பி.