பரதம் கற்கும் சிம்பு: சொல்லிக் கொடுப்பது விஜய்ணா 'தங்கச்சி'

சிம்பு வெயிட் போட்டு 101 கிலோவாக ஆனார். பார்க்க அங்கிள் மாதிரி ஆகிவிட்டார், அவரின் கெரியர் முடிந்துவிட்டது என்று விமர்சித்தார்கள். இந்நிலையில் தன்னை விமர்சித்தவர்கள் கண் முன்பே உடல் எடையை 30 கிலோ குறைத்து ஒல்லியாகிவிட்டார்.

ஒல்லியான கையோடு சுசீந்திரன் இயக்கத்தில் ஈஸ்வரன் படத்தில் நடித்து வருகிறார். மேலும் சமூக வலைதளங்களில் மீண்டும் என்ட்ரி கொடுத்துள்ளார். சிம்பு ஒல்லியான பிறகு எடுக்கப்பட்ட புகைப்படங்கள் வெளியானதில் இருந்தே பலரும் அவரை பற்றி தான் பேசுகிறார்கள்.

அப்படி இருந்த சிம்புவா இப்படி ஆகிட்டார் என்று வியக்கிறார்கள். சிம்பு தன் உடல் எடையை குறைக்க ஜிம்மில் ஒர்க்அவுட் மட்டும் செய்யவில்லை. நீச்சல் அடிக்கிறார், கூடைப்பந்து, டென்னிஸ் விளையாடுகிறார். இந்நிலையில் சிம்பு பரதநாட்டியம் கற்றுக் கொள்ள ஆரம்பித்திருக்கிறார்.

சிம்புவுக்கு பரதநாட்டியம் கற்றுத் தருபவர் வேறு யாரும் இல்லை. வேலாயுதம் படத்தில் விஜய்க்கு தங்கையாக நடித்த சரண்யா மோகன் தான். அவர் கடந்த இரண்டு வாரங்களாக சிம்புவுக்கு பரதநாட்டியம் கற்றுக் கொடுக்கிறாராம்.

சரண்யா சிம்புவுக்கு பரதநாட்டியம் கற்றுக் கொடுத்தபோது எடுக்கப்பட்ட புகைப்படம் வெளியாகி வைரலாகியுள்ளது. படத்திற்காக சிம்பு பரதநாட்டியம் கற்கவில்லையாம். அவருக்கு ஆசையாக இருந்ததால் கற்றுக் கொண்டிருக்கிறாராம்.

சிம்பு செமயாக டான்ஸ் ஆடுவார் என்பது அனைவருக்கும் தெரியும். இந்நிலையில் அவர் பரதம் வேறு கற்றுக் கொண்டிருக்கிறார். சிம்பு இப்படி சும்மா இல்லாமல் ஏதாவது புதிதாக கற்றுக் கொள்வது ரசிகர்களை பெருமை அடையச் செய்துள்ளது.

சிம்பு ஒல்லிக்குச்சியானதை பார்த்தவர்கள் அவர் சுசீந்திரன் படத்திற்காக தான் உடல் எடையை குறைத்தார் என்று பேசினார்கள். ஆனால் தன் கஷ்ட காலத்திலும் தன்னுடன் இருந்த ரசிகர்களுக்காக தான் சிம்பு ஒல்லியாகியிருக்கிறார் என்று அவரின் ட்ரெய்னர் சந்தீப் தெரிவித்தார். இதை அறிந்த சிம்பு ரசிகர்களுக்கு கண்ணீர் வந்துவிட்டது.

எங்க அண்ணன் ரொம்ப கஷ்டப்பட்டார்: சிம்பு தங்கை உருக்கம்

தன் அண்ணனின் இந்த மாற்றத்தை பார்த்து தங்கை இலக்கியாவும் பெருமைப்பட்டுள்ளார். சிம்பு தற்போது ஈஸ்வரன் படப்பிடிப்பில் பிசியாக இருக்கிறார். ஈஸ்வரன் படத்தை அடுத்த ஆண்டு பொங்கல் பண்டிகை ஸ்பெஷலாக ரிலீஸ் செய்யவிருக்கின்றனர் என்பது குறிப்பிடத்தக்கது.