ஆக்ஷன் கிங்குடன் இணையும் ‘சீமராஜா’!

நடிகர் சிவகார்த்திகேயன் தற்போது இயக்குனர்கள் ராஜேஷ் .எம். இயக்கத்திலும், ரவிக்குமார் இயக்கத்திலும் தத்தம் ஒரு படத்தில் நடித்து வருகிறார். ராஜேஷ் இயக்கத்தில் உருவாகும் படத்தில் சிவகார்த்திகேயனுக்கு ஜோடியாக நயன்தாரா நடிக்கிறார். ரவிக்குமார் இயக்கி வரும் சயின்ஸ் பிக்‌ஷன் கதையில் சிவகார்த்திகேயனுக்கு ஜோடியாக நடிகை ராகுல் பிரீத் சிங் நடிக்கிறார். இந்த இரண்டு படங்களுக்கும் ஒரே இசையமைப்பாளர் ஏ.ஆர்.ரஹ்மான் இசையமைத்து வருகிறார்.

இந்த இரு படங்களையும் முடித்தப்பிறகு அடுத்ததாக சிவகார்த்திகேயன் மித்ரன் இயக்கத்தில் ஒரு படத்தில் நடிக்க ஒப்பந்தமாகியுள்ளார். ‘இரும்புத்திரை’ படத்தை அடுத்து மித்ரன் இயக்கவுள்ள படம் இது. இந்தப் படத்தின் படப்பிடிப்பு அடுத்த மாதம் துவங்குகிறது. இந்தப் படத்திலும் நடிகர் அர்ஜுன் முக்கிய வேடத்தில் நடிக்கிறார்.

இது குறித்து இயக்குனர் மித்ரன் கூறுகையில், ‘‘இரும்புத்திரை’ படத்துக்கு முன்பாகவே இந்த படம் தொடங்க வேண்டியது. சில காரணங்களால் தள்ளிப்போனது. ஆக்‌ஷன் திரில்லர் கதையாக இது உருவாகிறது. இந்தப் படத்திலும் ஆக்ஷன் கிங் அர்ஜுன் நடிக்கிறார்’’ என்றார்.