தனுஷுக்கு போட்டியாக களமிறங்கும் செல்வராகவன்: ஷாக்கான ரசிகர்கள்..!

நடிகர் தனுஷ் தனது அண்ணன் செல்வராகவன் இயக்கத்தில் 'நானே வருவேன்' படத்தில் மும்முரமாக நடித்து வருகிறார். கார்த்திக் நரேனின் 'மாறன்' படத்தை தொடர்ந்து சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து வந்தார். இதன் படப்பிடிப்பு நிறைவடைந்து டப்பிங் பணிகள் நடைபெற்று வருகிறது.

இதனை தொடர்ந்து இயக்குநர் செல்வராகவன், தனுஷ், யுவன்சங்கர் ராஜா ஆகிய மூவரும் பத்தாண்டுகளுக்கு பிறகு 'நானே வருவேன்' படத்தில் மீண்டும் இணைய உள்ளனர். புதுப்பேட்டை படத்திற்கு பிறகு இவர்கள் மூவரும் இணைய உள்ளதால் இந்தப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டுள்ளது. இந்தப்படத்தை கலைப்புலி எஸ் தாணு தயாரிக்கிறார்.

'நானே வருவேன்' படத்தில் இரண்டு விதமான கெட்டப்களில் நடிக்கிறார் தனுஷ். ஒரு கெட்டப்பில் ஸ்டைலிஸ் இளைஞராக இருக்கும் தனுஷ், மற்றொரு கெட்டப்பில் நடுத்தர வயது தோற்றம் கொண்ட கெட்டப்பில் உள்ளார். இந்த புகைப்படம் ரசிகர்கள் மத்தியில் எதிர்பார்ப்பினை கிளப்பியுள்ளது.

சமந்தா பாணியை கையிலெடுத்த ஐஸ்வர்யா: விளாசும் நெட்டிசன்கள்..!
இந்தப்படத்தில் செல்வராகவனும் வில்லனாக நடிக்கவுள்ளதாக தகவல்கள் வெளியாகியுள்ளன. இந்நிலையில் தனது ட்விட்டர் பக்கத்தில் 'நானே வருவேன்' என கேப்சன் கொடுத்து தன்னுடைய புகைப்படம் ஒன்றை பகிர்ந்துள்ளார். படத்தில் இந்த கெட்டப் தான் செல்வராகவன் வருவாரா? என்பதை அறிய ஆர்வமாக கமெண்ட் செய்து வருகின்றனர் ரசிகர்கள்.


செல்வராகவன் 'ராக்கி' பட இயக்குனர் அருண் மாதேஸ்வரன் இயக்கத்தில் 'சாணிக் காயிதம்' படத்தில் நடித்து முடித்துள்ளார். இதனிடையில் விஜய்யின் 'பீஸ்ட்' படத்திலும் முக்கியமான கதாபாத்திரத்தில் நடித்துள்ளார். இந்நிலையில் தனது தம்பியுடன் முதன்முதலாக 'நானே வருவேன்' படத்தில் நடித்து வருகிறார்.இதன் படப்பிடிப்பு இறுதிக்கட்டத்தை எட்டியுள்ளது குறிப்பிடத்தக்கது.