18ல் வரவேண்டிய ‘செம போத ஆகாத’ படம் 25ல் ரிலீஸ்!

அதர்வா நடிப்பில் உருவாகியுள்ள ‘செம போத ஆகாத’ படத்தின் ரிலீஸ் தேதியை இம்மாதம் 18ம் தேதிலிருந்து 25ம் தேதி மாற்றம் செய்துள்ளனர்.

அதர்வா நடிப்பில், பத்ரி வெங்கடேஷ் இயக்கத்தில் உருவாகியுள்ள படம் ‘செம போத ஆகாத’. இந்தப் படத்தில் அதர்வாவுக்கு ஜோடியாக மிஸ்தி மற்றும் அனைக்கா என இரண்டு ஹீரோயின்கள் நடித்துள்ளனர். இந்த படத்தின் ரிலீஸ் தேதி ஒத்திவைக்கப்பட்டுள்ளது. இந்தப் படத்துக்கு யுவன் சங்கர் ராஜா இசையமைத்துள்ளார். படத்தை கிக்காஸ் எண்டெர்டெயின்மெண்ட் சார்பில் நடிகர் அதர்வா தயாரித்துள்ளார்.

மேலும் இந்த படத்தில் ஜான் விஜய், கருணாகரன், எம்.எஸ்.பாஸ்கர், மனோபாலா ஆகியோரும் நடித்துள்ளனர். ஸ்ரீ தேனாண்டாள் ஸ்டூடியோ லிமிடெட் இந்த படத்தை வெளியிடுகிறது. இந்தப் படம் மே 18-ஆம் தேதி வெளியாக இருப்பதாக அறிவிக்கப்பட்டிருந்தது. முன்னதாக தயாரான படங்களுக்கு வழிவிடும் வகையில், படத்தின் ரிலீஸ் தேதி வருகிற மே 25-ஆம் தேதிக்கு மாற்றம் செய்யப்பட்டுள்ளதாக படக்குழு தெரிவித்துள்ளது.