சல்மான்கானுக்கு விலையுயர்ந்த காரை பரிசளித்த ஷாருக்கான்!

நடிகர் ஷாருக்கான் விலையுயர்ந்த கார் ஒன்றை நடிகர் சல்மான்கானுக்கு பரிசாக வழங்கினார்.

பாலிவுட்டின் நடிகர்களில் பிரபலமானவர்கள் ஷாரூக்கான் மற்றும் சல்மான்கான். . இவர்கள் இருவருக்கும் தொழில் ரீதியான போட்டி இருந்தாலும் நல்ல நண்பர்கள். சமீபத்தில் வெளியான சல்மானின் டியூப்லைட் படத்தில் ஷாரூக்கான் ஒரு சிறிய ரோலில் தோன்றினார். அதன் வெளிப்பாடாக இப்போது, ஆனந்த் எல்.ராய் இயக்கத்தில், ஷாரூக்கான் நடிக்க உள்ள படத்தில் சல்மான் கான் சிறப்பு தோற்றத்தில் நடிப்பதுடன் ஒரு பாடலுக்கு ஆடவும் உள்ளார்.சமீபத்தில் இதன் படப்பிடிப்புகள் நடந்தன.

சல்மான், ஷாரூக் இருவரும் படப்பிடிப்பில் பங்கேற்று ஆடினர். முன்னதாக சல்மான் படப்பிடிப்புக்கு வரும் போது, அவருக்கு இன்ப அதிர்ச்சி கொடுக்கும் வகையில் விலையுர்ந்த ஆடம்பர கார் ஒன்றை பரிசாக அளித்தார் ஷாரூக்கான். இதை சற்று எதிர்பார்க்கவில்லை நடிகர் சல்மான் கான். தனது பிஸி ஷூட்டிங்கிலும் தனக்காக நேரத்தை ஒதுக்கி, தனது படத்தில் நடனம் ஆடியதற்காக இந்த பரிசை சல்மானுக்கு வழங்கியுள்ளார் நடிகர் ஷாரூக்கான்.