‘பொட்டு’ படத்தில் நமீதாவுடன் ஷகிலா!

‘பொட்டு’ படத்தில் நடிகை நமீதாவுடன் ஷகிலாவும் இணைந்து நடித்துள்ளார்.
நடிகை ஷகீலா ஒரு காலகட்டத்தில் மலையாள ஹீரோக்களை நடுங்க வைத்தவர். ஷகிலா படங்களுக்கு தமிழலும், மலையாளத்திலும் ஏராளமான ரசிகர்கள் இருந்தன. ஒரு காலகட்டத்தில் மலையாள சினிமாவில் இருந்து அவர் துரத்தியடிக்கப்பட்டார். அப்போதிலிருந்து அவ்வப்போது ஒரு சில படங்களில் தலைகாட்டி வந்தார். தற்போது அவர் முழு நேரமும் படங்களில் நடிக்க ஆரம்பித்துவிட்டார்.
தற்போது ஷகிலா, ‘சவுகார்பேட்டை’ படத்தை இயக்கிய வடிவுடையான் இயக்கும் ‘பொட்டு’ என்ற படத்தில் நடித்து வருகிறார். இதுவும் பேய் சம்பந்ப்பட்ட படம். இந்தப் படத்தில் பரத், நமிதா ஆகியோருடன் முக்கிய வேடத்தில் ஷகிலாவும் நடிக்கிறார்.
இந்தப் படம் மூலம் நமிதாவுடன் ஷகிலாவும் இணைந்துள்ளார். மலையாள படங்களிலிருந்து ஓரங்கட்டப்பட்ட ஷகிலா தற்போது தமிழ், தெலுங்கு, கன்னடப் படங்களில் நகைச்சுவை வேடங்களில் நடித்து வருகிறார். தமிழில் அவர் ஒப்புக் கொண்டிருக்கும் புதிய படம், ‘பொட்டு’. இதுதவிர தெலுங்கில் சம்பூர்ணேஷ் பாபுடன் ஒரு படத்தில் நகைச்சுவை வேடத்தில் நடித்து வருகிறார். விரைவில் ஷகிலாவின் வாழ்க்கை சம்பந்தப்பட்ட படம் தமிழ் உட்பட ஐந்து மொழிகளில் படமாக்கப்படஉள்ளது.