விஸ்வாசம் படத்தின் சிறப்புக் காட்சி பாத்தாச்சு; ஷாலினி அஜித்குமார் மகிழ்ச்சி!

சிவா இயக்கத்தில் அஜித் நடிப்பில் உருவாகி உள்ள திரைப்படம் ‘விஸ்வாசம்’. இப்படத்திற்கு இமான் இசையமைத்துள்ளர. இவர்கள் கூட்டணியில் தொடர்ந்து 4வது படமாக ‘விஸ்வாசம்’ வெளிவர உள்ளது.

வரும் பொங்கலுக்கு இப்படம் வெளியாக உள்ளது. அதே நாளில் ரஜினிகாந்தின் ‘பேட்ட’ படமும் திரைக்கு வருகிறது. இதனால் வசூலில் பெரும் போட்டி நிலவும் என்று எதிர்பார்க்கப்படுகிறது.

’விஸ்வாசம்’ படம் கிராமத்து பின்னணியில் உருவாகியுள்ளது. இதற்கு ‘யு’ சான்றிதழ் வழங்கப்பட்டுள்ளது. இந்தப் படத்திற்கான முன்பதிவு தொடங்கியுள்ளது.

இந்நிலையில் விஸ்வாசம் படத்தின் சிறப்புக் காட்சியை நடிகர் அஜித்குமாரின் மனைவி ஷாலினி நுங்கம்பாக்கத்தில் உள்ள சிறப்பு திரையரங்கில் நேற்று பார்த்தனர். இதன்பிறகு ரசிகர்கள் சிலருடன் புகைப்படம் எடுத்துக் கொண்டனர்.

இவை சமூக வலைத்தளங்களில் வேகமாக பரவி வருகின்றன. இவருடன் விஸ்வாசம் படத்தின் ஒளிப்பதிவாளர் வெற்றி உள்ளிட்ட படக்குழுவினரும் படத்தைப் பார்த்துள்ளனர்.