அயல்நாட்டு பெண்ணை காதலித்து வரும் விஜயகாந்த்தின் மகன்?!

நடிகர் விஜயகாந்த்தின் மகன் நடிகர் சண்முகப்பாண்டியன் நெதர்லாந்த் நாட்டைச் சேர்ந்த ஒரு பெண்ணை காதலித்து வருவதாக கூறப்படுகிறது.

‘சகாப்தம்’ படம் மூலம் விஜயகாந்த்தின் மகன் ஷண்முகப்பாண்டியன் தமிழ் சினிமாவில் அறிமுகமானார். இவர் சினிமாவில் நடிக்க வரும் முன்பே நடிப்பு, டான்ஸ், சண்டை எல்லாவற்றையும் கற்று திறமைசாலியாக இருக்கிறார். அப்பா விஜயகாந்த் ஒரு காலத்தில் கோலிவுட் சினிமாவில் முன்னணி நடிகராக இருந்து எல்லோராலும் ‘கேப்டன்’ என்று பெருமையுடன் அழைக்கப்பட்டவர். அவர் நடிகர் சங்கத்தலைவராக இருந்து சங்கத்தை நல்வழிப்படுத்தி, அதற்கு ஏற்பட்ட மொத்தக் கடனையும் அடைத்தார்.

அந்தப் பெருமைக்குரியவர் மகன்தான் சண்முகப்பாண்டியன். இவரும் ஒரு நடிகராகியுள்ளார். இந்த நேரத்தில் விஜயகாந்த் மகன் ஷண்முக பாண்டியன் ஒரு பெண்ணுடன் இருப்பது போல் உள்ள புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார். அவை தற்போது சமூக வலைதளங்களில் வைரலாக பரவி வருகிறது. அந்த புகைப்படத்தில் இருப்பது சண்முகப்பாண்டியனுடன் படித்த தோழியாம்.

இன்று அவரது தோழிக்கு பிறந்தநாளாம். ஆகையால் தோழிக்கு, சண்முகப்பாண்டியன் பிறந்தநாள் வாழ்த்து கூறி, அவருடன் தான் எடுத்துக் கொண்ட புகைப்படத்தை தற்போது வெளியிட்டுள்ளார். இந்தப் புகைப்படத்தைப் பார்த்த ரசிகர்கள் கேப்டனின் மருமகள் அயல்நாட்டைச் சேர்ந்தவரா என்று கேள்வி எழுப்பி வருகின்றனர்.