பீஸ்ட்
நெல்சன் திலீப்குமார் இயக்கத்தில் விஜய், பூஜா ஹெக்டே உள்ளிட்டோர் நடித்திருக்கும் படம் பீஸ்ட். விஜய் தன் காட்சிகளை நடித்துக் கொடுத்துவிட்டார். கிறிஸ்துமஸ் பண்டிகைக்கு முன்பு டப்பிங் பேசி முடிக்கப் போகிறாராம். இந்நிலையில் பீஸ்ட் படத்தில் வில்லனாக நடித்திருக்கும் மலையாள நடிகரான ஷைன் டாம் சாக்கோ முக்கியமான தகவலை வெளியிட்டுள்ளார்.
விஜய்
பேட்டி ஒன்றில் ஷைன் டாம் சாக்கோ கூறியதாவது, பீஸ்ட் படத்தில் விஜய் உருது மொழியில் சில வார்த்தைகளை பேசியிருக்கிறார். விஜய் மிகவும் அமைதியானவர். செட்டில் அவர் சத்தமாக கூட பேச மாட்டார். ஒரு காட்சியில் நானும், விஜய்யும் வருவோம். அந்த காட்சியில் உருதில் பேசிக் கொள்வோம் என்றார்.
வசனம்
முன்னதாக துப்பாக்கி படத்தில் இந்தியிலும், தெறியில் மலையாளத்திலும் பேசியிருந்தார் விஜய். அந்த வசனங்கள் ரசிகர்களை கவர்ந்தது. இந்நிலையில் பீஸ்ட் படத்தில் அவர் உருதில் பேசியிருக்கும் வசனமும் பிரபலமாகும் என்று எதிர்பார்க்கப்படுகிறது.
செல்வராகவன்
பீஸ்ட் படத்தில் இயக்குநர் செல்வராகவன், அபர்ணா தாஸ் ஆகியோர் முக்கிய கதாபாத்திரத்தில் நடித்திருக்கிறார்கள். விஜய் படத்தில் செல்வராகவன் வில்லத்தனம் செய்வதை பார்க்க ரசிகர்கள் காத்துக் கொண்டிருக்கிறார்கள்.