விமர்சனங்கள் நெகட்டிவாக இருந்தாலும் ஏற்க வேண்டும்: லோகேஷ் கனகராஜ்!

2020ஆம் ஆண்டு ஏப்ரல் மாதமே வெளியாகி இருக்க வேண்டிய 'மாஸ்டர்' திரைப்படம் கொரோனா அச்சுறுத்தல் காரணமாக திட்டமிட்டபடி வெளியாகவில்லை. பல நாட்கள் எதிர்பார்ப்புக்கு மத்தியில் ரசிகர்களுக்கு பொங்கல் விருந்தாக திரைக்கு வந்தது மாஸ்டர் படம். லோகேஷ் கனகராஜ் இயக்கத்தில் தளபதி விஜய், விஜய் சேதுபதி நடிப்பில் வெளியான இந்தப் படம் முதல் நாளில் இந்தியாவில் மட்டும் ரூ.40 கோடி வசூல் ஈட்டிய படம். தற்போது உலகளவில் மூன்றே நாட்களில் ரூ.100 கோடி வசூல் என்ற சாதனையை எட்டியுள்ளது. மாஸ்டர் படம், விஜய்யின் கேரியரில் எட்டாவதாக 100 கோடி வசூல் செய்த படம் எனும் சிறப்பையும் அடைந்துள்ளது.

விஜய் நடித்த துப்பாக்கி, கத்தி, தெறி, பைரவா, மெர்சல், சர்கார், பிகில் என விஜய்யின் ஏழு படங்கள் ரூ.100 கோடி வசூல் சாதனையை நிகழ்த்தியுள்ள நிலையில், தற்போது மாஸ்டர் படமும் அந்த பட்டியலில் இணைந்துள்ளது. இதன்மூலம் தமிழில் அதிக ரூ.100 கோடி படங்கள் கொடுத்த நாயகன் எனும் சாதனையை ரஜினியுடன், விஜய் பகிர்ந்து கொள்கிறார். மேலும் தொடர்ச்சியாக ஆறு முறை ரூ.100 கோடி படங்கள் கொடுத்த ஒரே தமிழ் நடிகர் எனும் சிறப்பையும் விஜய் பெற்றுள்ளார். மேலும், 'மாஸ்டர்' படக்குழுவினரைப் பாராட்டி சினிமார்க் மற்றும் ஏ.எம்.சி திரையரங்க நிர்வாகம் இ-மெயில் அனுப்பி இருந்தனர் என்பதும் குறிப்பிடத்தக்கது.

இதுல ஒரு சர்ப்ரைஸ் இருக்கு; புதிய படத்தின் போஸ்டரை வெளியிட்ட விஜய் சேதுபதி!
திரையரங்குகளில் 50% இருக்கைகளுக்கு தமிழக அரசு அனுமதி அளித்த போதிலும், மாஸ்டர் வெளியான 2 நாட்களில் தமிழகத்தில் மட்டும் ரூ.43 கோடியை வசூலித்து மாஸ்டர் சாதனை படைத்திருந்தது. இது மட்டுமின்றி மாஸ்டர்' திரைப்படம், இந்தியில் ரீமேக் ஆகவுள்ளது. தமிழகத்தில் மூன்று நாட்களில் ரூ.55 கோடி வரை வசூல் செய்திருக்கும் மாஸ்டர் படம் அடுத்தபடியாக ஆந்திரா மற்றும் தெலுங்கானா மாநிலங்களில் ரூ.20 கோடிக்கும் அதிகமாக வசூல் செய்து தற்போதே அங்கு பல ஏரியாக்களில் லாபம் பார்த்திருப்பதாகவும் அறிவிக்கப்பட்டுள்ளது.

மேலும் ஆஸ்திரேலியாவில் பிகில், பேட்ட படங்களின் வசூல் சாதனைகளை முறியடித்திருக்கும் மாஸ்டர் படம், அரபு நாடுகளில் 10 கோடி வரை வசூல் செய்து, சமீபத்தில் வெளியான டெனெட், வொண்டர் உமன் போன்ற ஹாலிவுட் படங்களின் முதல் வார வசூலையும் மிஞ்சியுள்ளது என்பது குறிப்பிடத்தக்கது. இந்நிலையில் திருப்பூர் ஸ்ரீ சக்தி திரையரங்கிற்கு நேரில் வந்த மாஸ்டர் படத்தின் இயக்குநர் லோகேஷ் கனகராஜ் ரசிகர்களுக்கு நன்றி தெரிவித்தார். பின்னர் செய்தியாளர்களுக்கு பேட்டியளித்த லோகேஷ் கனகராஜ், “விமர்சனங்கள் எதுவாக இருந்தாலும் அதை ஏற்றுக் கொள்ளத்தான் வேண்டும்.

சுதா கொங்கரா படத்தில் நடிக்கும் சிம்பு!
எனது அடுத்தப் படத்தில் இந்த விமர்சனங்கள் வராத அளவிற்கு பார்த்துக் கொள்ள முயற்சி செய்வேன். மக்களுக்கு இந்த படம் பிடித்திருப்பதால் தான் திரையரங்கிற்கு கூட்டமாக வருகின்றனர். விமர்சனம் என்பது பாசிட்டிவ் ஆகத்தான் இருக்க வேண்டும் என்பதில்லை நெகட்டிவாக இருந்தாலும் அதை ஏற்றுக் கொள்ளத்தான் வேண்டும். இரண்டு பெரிய ஹீரோ-வை காட்ட வேண்டும் என்பதாலேயே படம் நீளமாக உள்ளது.” என்று அவர் கூறியுள்ளார்.