சமந்தாவுக்காக ‘சீமராஜா’ படத்தில் மெலோடி பாடிய ஸ்ரேயா கோஷல்!

பின்னணி பாடகியான ஸ்ரேயா கோஷல், சமந்தா நடித்து வரும் ‘சீமராஜா’ படத்தில் ஒரு மெலோடி பாடலை பாடியுள்ளார்.

பொன்ராம் இயக்கத்தில் சிவகார்த்திகேயன் & சமந்தா இணைந்து நடித்து வரும் படம் ‘சீமராஜா’. பொன்ராம் - சிவகார்த்திகேயன் கூட்டணி இணையும் மூன்றாவது படம் இது. இந்தப் படத்திற்கு டி.இமான் இசையமைத்து வருகிறார். படத்தை ஆர்.டி.ராஜா 24 ஏஎம் ஸ்டுடியோஸ் நிறுவனத்தின் பேரில் தயாரித்து வருகிறார்.

இந்தப் படத்தில் அழகான மெலடி பாடல் ஒன்று இடம்பெற்றுள்ளதாகவும், ஸ்ரேயா கோஷல் அந்தப் பாடலைப் பாடியிருப்பதாகவும் ட்விட்டரில் தெரிவித்துள்ளார் டி.இமான். “வருத்தப்படாத வாலிபர் சங்கம் படத்தில் ‘பார்க்காத பார்க்காத’ மற்றும் ‘ரஜினி முருகன்’ படத்தின் ‘உன் மேல ஒரு கண்ணு’ மெலடி பாடல்களைப் போல ‘சீம ராஜா’ படத்திலும் ஒரு மெலடி பாடல் இடம்பெற்றுள்ளது. அதை ஸ்ரேயா கோஷல் பாடியுள்ளார்.