மித்ரன் ஜவஹர் உடன் கூட்டணி சேர்ந்த ஸ்ரேயா!

ரஜினியுடன் நடித்த ‘சிவாஜி’ படத்திற்குப் பிறகு ஸ்ரேயாவை தமிழ் படங்களில் அதிகம் காண முடிவதில்லை. அவரால் தமிழில் தனது மார்க்கெட்டை தக்க வைத்துக்கொள்ள முடியவில்லை. சிவாஜி படத்திற்குப் பிறகு அவர் நடித்த சில படங்கள் அடுத்தடுத்து தோல்வியை சந்தித்தது. இதனால் மனம் நொந்துபோய், மற்ற மொழி படங்களான தெலுங்கு, கன்னடம் போன்றவற்றில் நடிக்கத் தொடங்கினார்.

தற்போது மீண்டும் தமிழில் ஆதிக் ரவிச்சந்திரன் இயக்கத்தில் சிம்பு மூன்று ரோலில் நடித்துள்ள ‘அன்பானவன் அசராதவன் அடங்காதவன் படத்தில் ஒருவருக்கு ஜோடியாக நடித்தார். படம் இன்னும் வெளியாவில்லை. இந்தப் படத்தை வாய்ப்புக்காக காத்திருக்கிறார் ஸ்ரேயா. இந்நிலையில் ‘யாரடி நீ மோகினி’பட இயக்குனர் மித்ரன் ஜவஹர் இயக்கவுள்ள ஒரு புதிய படத்தில் நடிக்கிறார். இந்த படத்தில் அவருடன் ராய் லட்சுமி, அருந்ததிநாயர் ஆகியோரும் நடிக்கிறார்கள்.

இந்தப் படத்தில் வரும் கதை மூன்று பெண்களின் வாழ்க்கையில் நடக்கும் பிரச்னைகளை மையமாக வைத்து உருவாகவுள்ளது. இந்த படம் தமிழ், தெலுங்கு என இரண்டு மொழிகளில் தயாராகிறது. இந்த படத்தில் ஸ்ரேயா மெச்சூரிட்டியான கேரக்டரில் நடிக்கிறார். இவருக்கு தெலுங்கில் ஓரளவு மார்க்கெட் இருப்பதால் இவரை இயக்குனர் மித்ரன் ஜவஹர் தேர்வு செய்து நடிக்க வைத்துள்ளார் என்பது குறிப்பிடத்தக்கது.

Shriya Saran join with director Mithran Jawahar for her next movie