சிம்புவுக்கு அம்மாவாக நடிக்கும் ஸ்ரேயா

சிம்பு தற்போது நடித்துக் கொண்டிருக்கும் ‘அஅஅ’ படத்தில் அவருக்கு அம்மாவாக நடிக்கிறார் ஸ்ரேயா.

சிம்பு தற்போது ஆதிக் ரவிச்சந்திரன் இயக்கத்தில் ‘அஅஅ’ படத்தில் நடித்து வருகிறார். இப்படத்தில் 3 கெட்டப்புகளில் சிம்பு நடிக்கிறார். இதில் ஒரு கதாபாத்திரத்திற்கு சிம்புவிற்கு ஜோடியாக நடிக்க பல நடிகைகள் மறுத்துவிட்டார்களாம்.

ஏனென்றால் இந்த ஜோடிக்கு பிறக்கும் குழந்தை தான் மற்றொரு சிம்பு, அப்படிப்பார்த்தால் சிம்புவிற்கு அம்மாவாகவும் நடிக்கவேண்டும் என்பதால் த்ரிஷாவிலிருந்து பல நடிகைகள் மறுத்துவிட்டனர்.

தற்போது இந்த கதாபாத்திரத்தில் நடிக்க நடிகை ஸ்ரேயா சம்மதித்துள்ளாராம், ஸ்ரேயா ஹிந்தி த்ரிஷியத்திலும் 15 வயது பெண்ணுக்கு அம்மாவாக நடித்தார் என்பது குறிப்பிடத்தக்கது.