Vikram: விக்ரம் படம் சூப்பர், அப்பாவை நினைத்து மகிழ்ச்சி: ஸ்ருதி ஹாசன்

லோகேஷ் கனகராஜ் இயக்கத்தில் உலக நாயகன் கமல் ஹாசன், விஜய் சேதுபதி, ஃபஹத் ஃபாசில் உள்ளிட்டோர் நடிப்பில் ஜூன் 3ம் தேதி வெளியான விக்ரம் படம் சூப்பர் டூப்பர் ஹிட்டாகியுள்ளது. இந்தியாவில் மட்டும் ரூ. 300 கோடி வசூல் செய்திருக்கிறது விக்ரம். கமலின் கெரியரில் மிகப் பெரிய வெற்றிப்படமாக அமைந்திருக்கிறது.

விக்ரம் 3 படத்தை எடுக்க முடிவு செய்திருக்கிறார் லோகேஷ் கனகராஜ். ஆனால் அதை உடனே இயக்கப் போவது இல்லை. இந்நிலையில் விக்ரம் கிளைமாக்ஸ் காட்சியில் வந்து மிரட்டிய ரோலக்ஸ் சாரை விக்ரம் 3 படத்திலா அல்லது கைதி 2 படத்திலா முதலில் பார்க்கப் போகிறோம் என ரசிகர்கள் கேள்வி எழுப்பியுள்ளனர்.

விக்ரம் படம் குறித்து ஸ்ருதி ஹாசன் பேட்டி ஒன்றில் கூறியிருப்பதாவது, எனக்கு விக்ரம் மிகவும் பிடித்திருந்தது. அப்பாவுக்காக சந்தோஷப்படுகிறேன். பான்டமிக் நேரத்தில் அனைவரும் கஷ்டப்பட்ட நிலையில் படங்கள் வெற்றி பெறுவது அருமையான விஷயம் என தெரிவித்துள்ளார்.

விக்ரம் படத்தை ரசித்து பார்த்தேன். லோகேஷ் கனகராஜின் முந்தைய படங்களும் எனக்கு பிடிக்கும். அவர் அருமையான இயக்குநர். விக்ரம் படக்குழுவை சேர்ந்த அனைவருக்காகவும் சந்தோஷப்படுகிறேன். மாபெரும் வெற்றி பெற்றிருக்கிறது விக்ரம். அப்பாவை நினைத்து நிஜமாகவே சந்தோஷமாக இருக்கிறது என்று ஸ்ருதி மேலும் தெரிவித்திருக்கிறார்.