சிண்ட்ரல்லா ஈவினிங் கவுனில் சிலிர்க்கவைக்கும் ஸ்ருதி ஹாசன்..!!

கொச்சியில் நடைபெற்ற திரைப்பட விருது வழங்கும் விழாவுக்கு ஸ்ருதி ஹாசன் அணிந்து வந்த ஆடை சமூகவலைதளங்களில் வைரலாகியுள்ளது. தமிழ் பெண்ணாக இருந்தபோதிலும், இந்த ஆடையில் அவர் ஒரு சர்வதேச மாடல் போல தோன்றுவதாக நெட்டிசன்கள் பலர் கருத்து பதிவிட்டு வருகின்றனர்.

திரைப்பட வாய்ப்புகள் இல்லாத போதிலும், தொலைக்காட்சி நிகழ்ச்சிகள், விளம்பர படங்கள், இசை கச்சேரிகள் போன்ற செயல்பாடுகளில் ஸ்ருதி ஹாசன் தீவிரமாகவே செயல்பட்டு வருகிறார்.

தொலைக்காட்சியில் இவரது வருகைக்கு பிறகு, முன்னணி நடிகைகள் பலர் டிவி ஷோ தொகுப்பாளர்களாக தொடர்ந்து கால் பதித்து வருகின்றனர். ஸ்ருதியின் வருகை தொலைக்காட்சி நிகழ்ச்சி தொகுப்பாளர்களின் தரத்தை உயர்த்தியுள்ளது என்றே சொல்லலாம்.


இந்நிலையில், அண்மையில் கொச்சியில் நடைபெற்ற திரைப்பட விருது வழங்கும் விழாவில் ஸ்ருதி ஹாசன் பங்கேற்றார். முன்னதாக, நிகழ்ச்சிக்கான ஆடையை அணிந்தவாறு புகைப்படங்கள் எடுத்து அவற்றை வழக்கம் போல, ஸ்ருதி தனது இன்ஸ்டாவில் பதிவிட்டு சென்றார்.

தற்போது அந்த புகைப்படங்கள் வைரலை கிளப்பியுள்ளன. ஊதா நிற சிண்ட்ரல்லா கவுனில், அழகிய பூ வேலைபாடுகளுடன் கூடிய அந்த ஆடை பலரையும் கவர்ந்துள்ளது. ஆடைக்கு ஏற்றவாறு அவரது சிகையலங்காரமும் பரவலாக பேசப்பட்டு வருகிறது.

ஸ்ருதி ஹாசனின் இன்ஸ்டா புகைப்படத்தில், அந்த ஆடையை வடிவமைத்தவர் ஜூட்டா மேரி என்றும், தனக்கு ஸ்டைல் செய்தவர் சஞ்சன் பத்ரா என்றும் அவர் பதிவிட்டுள்ளார். அவரது இந்த இன்ஸ்டா பதிவு 2 லட்சம் லைக்குகளை பெற்றுள்ளது.

எனினும், வழக்கமான விமர்சனங்களும் எழாமல் இல்லை. இந்த ஆடை மிகவும் கவர்ச்சியாக உள்ளது. ஸ்ருதியின் நெக் லைன் மிகவும் கீழ் உள்ளது. பட வாய்ப்புக்காக இப்படியொரு கவர்ச்சி ஆடையை ஸ்ருதி அணிந்துள்ளார் என பல்வேறு விமர்சனங்கள் கமெண்டுகளில் இடம்பெற்றுள்ளன.