கமலின் பாடலை வித்யாசமாக பாடி அசத்திய ஸ்ருதி ஹாசன்! வைரல் வீடியோ

நடிகை ஸ்ருதி ஹாசன் படங்களில் நடிப்பதை தாண்டி பாடல் பாடுவதில் அதிகம் ஆர்வம் கொண்டவர் என்பது அனைவருக்கும் தெரியும். அவர் லண்டன் உள்ளிட்ட பல இடங்களில் அடிக்கடி இசை கச்சேரியும் நடத்தி வருகிறார். அதற்கு ரசிகர்களும் அதிகம் பேர் வருகின்றனர்.

தற்போது கொரோனா ஊரடங்கு என்பதால் வீட்டிலேயே இருக்கிறார் ஸ்ருதி ஹாசன். இவர் ஒரு வீட்டிலும், இவரது தங்கை அக்ஷரா ஒரு வீட்டிலும், கமல் தன் வீட்டிலும் என தனித்தனியாக இருக்கின்றனர்.

இந்நிலையில் தற்போது ஸ்ருதி ஹாசன் நாயகன் படத்தில் வரும் தென்பாண்டி சீமையிலே பாடலை தனது பாணியில் பாடி அந்த வீடியோவை இன்ஸ்டாகிராமில் பகிர்ந்துள்ளார்.

1987ல் மணிரத்னம் இயக்கத்தில் வெளிவந்த நாயகன் படத்திற்காக இளையாராஜா இசையில் அவர் மற்றும் கமல் பாடிய அந்த பாடல் மிகவும் பிரபலம். அந்த பாடலை தற்போது கேட்டாலும் நம்மை கலங்கவைக்கும்.

இந்த பாடல் வரிகளை சற்று வித்யாசமாக கீபோர்டு வாசித்துக்கொண்டு ஸ்ருதி ஹாசன் பாடியுள்ளார். அந்த வீடியோ ரசிகர்களை அதிகம் கவர்ந்து வருகிறது.

"தென்பாண்டி சீமையிலே.. எனக்கு எப்போதும் பிடித்த பாடல் இது" என வீடியோ பற்றி குறிப்பிட்டுள்ளார் ஸ்ருதிஹாசன்.


கொரோனா லாக் டவுனில் மற்ற நடிகைகள் தாங்கள் ஒர்கவுட் செய்வது, சமையல் செய்வது என பல வீடியோக்கள் போட்டு வரும் நிலையில், ஸ்ருதி ஹாசன் தனது பாடும் திறமையை காட்ட இப்படி ஒரு வீடியோ வெளியிட்டிருப்பது ரசிகர்களை அதிகம் ஈர்த்துள்ளது.