அஜித், விஜய்யை அடுத்து விஜய் சேதுபதியுடன் ஜோடி சேரும் ஸ்ருதிஹாசன்?!

நடிகர் விஜய் சேதுபதி படிப்படியாக சினிமாவில் முன்னுக்கு வந்தவர். முதலில் சின்ன சின்ன கேரக்டரில் நடித்து வந்தார். பின்னர் ‘தென்மேற்கு பருவக்காற்று’ படம் மூலம் சோலோ ஹீரோவாக அறிமுகமானார். தற்போதும் ஹீரோவாகவும், நல்ல கேரக்டராக அமைந்தால் மற்ற ஹீரோக்களுடனும் இணைந்து நடித்து வருகிறார். ஒரு காலத்தில் விஜய்சேதுபதிக்கு ஜோடியாக நடிக்க பல முன்னணி நடிகைகள் தயங்கினர். ஆனால் தற்போது நயன்தாரா, தமன்னா, சமந்தா, த்ரிஷா உட்பட பலரும் அவருடன் நடித்து வருகின்றனர்.

விஜய்யுடன் இணைந்து நடித்த நிலையில் தற்போது விஜய்சேதுபதியின் அடுத்த படத்தில் கமல்ஹாசனின் மகள் ‘ஸ்ருதிஹாசன் நடிக்கவுள்ளதாக செய்திகள் வெளிவந்துள்ளது.

நடிகை ஸ்ருதிஹாசன், அஜித், விஜய், சூர்யா, தனுஷ், விஷால், ஆகிய முன்னணி நடிகர்களுடன் ஜோடியாக நடித்துள்ளார். அடுத்ததாக விஜய்சேதுபதி நடிக்கும் படத்தில் ஸ்ருதிஹாசன் நடிக்க பேச்சுவார்த்தை நடத்தப்பட்டு வருவதாகவும் தெரிகிறது. இதுகுறித்த உண்மைத் தகவல் விரைவில் அறிவிக்கப்படவுள்ளதாக தெரிகிறது.