4வது முறையாக த்ரிஷாவுடன் ஜோடி சேரும் சித்தார்த்!

கடந்த ஆண்டு இந்தியில் வெளியாகி நல்ல வரவேற்பை பெற்ற படம் ‘அந்தாதுன்’. தற்போது இந்தப் படத்தின் தமிழ் ரீமேக்கில் சித்தார்த்தும், த்ரிஷாவும் மீண்டும் இணைந்து நடிக்கவுள்ளனர். இந்த ஜோடி ‘ஆயுத எழுத்து’, ‘அரண்மனை 2’, தெலுங்கில் ‘நூஒஸ்தனன்டே’ ஆகிய மூன்று படங்களில் இணைந்து நடித்துள்ளது.

இந்நிலையில் தற்போது, இந்தியில் வெளியான ‘அந்தாதுன்’ படத்தின் தமிழ் ரீமேக்கில் மீண்டும் ஜோடியாக நடிக்க உள்ளதாக தகவல் வெளியாகி உள்ளது. ‘அந்தாதுன்’ படத்தில் ஆயுஷ்மேன் குரானா, ராதிகா ஆப்தே, தபு ஆகியோர் நடித்து இருந்தனர்.

இந்த படம் கடந்த வருடம் திரைக்கு வந்து நல்ல வசூலை ஈட்டியது. இந்தப் படத்தில் நடித்த நடிகைகள் ராதிகா ஆப்தே, தபு ஆகியோர் நடிப்புக்கு பாராட்டுகளும் கிடைத்தன. கடந்த 3ம் தேதி சீனாவில் இந்த படம் ‘பியானோ பிளேயர்’ என்ற பெயரில் வெளியாகி 13 நாட்களில் ரூ.200 கோடி வரை வசூல் குவித்து சாதனை நிகழ்த்தியது.

இந்த நிலையில், ‘அந்தாதுன்’ படத்தை தமிழில் தயாரிக்கும் வேலைகள் தொடங்கி உள்ளன. ஆயுஷ்மேன் கதாபாத்திரத்தில் சித்தார்த், ராதிகா ஆப்தே வேடத்தில் திரிஷாவை நடிக்க வைக்க பேச்சுவார்த்தை நடந்து வருகிறது.