‘விசுவாசம்’ அஜீத்துக்கு ஜோடியாகும் ஸ்ரத்தா ஸ்ரீநாத்?!

அஜீத் நடிக்கவிருக்கும் ‘விசுவாசம்’ படத்தில் அவருக்கு ஜோடியாக நடிகை ஸ்ரத்தா ஸ்ரீநாத் நடிக்கலாம் என கூறப்படுகிறது.

அஜீத், சிவா நான்காவது முறையாக இணைந்துள்ள படம் ‘விசுவாசம்’. இந்தப் படத்தின் படப்பிடிப்பு இம்மாதம் 22ம் தேதி ஆரம்பமாகவுள்ளது.

‘விசுவாசம்’ படத்தில் அஜீத் ஜோடியாக கீர்த்தி சுரேஷ் நடிப்பார், ஆத்மிகா நடிப்பார், ஷ்ரத்தா ஸ்ரீநாத் நடிப்பார் என்று அவ்வப்போது செய்தி வெளியாகி வருகிறது. இந்நிலையில் ‘விக்ரம் வேதா’ படத்தில் மாதவன் ஜோடியாக நடித்த ஷ்ரத்தா ஸ்ரீநாத்தை அஜீத்துக்கு ஜோடியாக நடிக்க வைக்க பேச்சுவார்த்தை நடந்து வருவதாக தகவல் வெளியாகியுள்ளது.

இனிமேல் ஆண்டுக்கு ஒரு படத்தில் நடிப்பது என்று முடிவு செய்துள்ளார் அஜீத். அடுத்ததாக அவர் விஷ்ணுவர்தன் இயக்கத்தில் நடிக்கக்கூடும் என்று எதிர்பார்க்கப்படுகிறது.