இது என்ன புது ட்விஸ்ட்?: தீபாவளி ரேஸில் களமிறங்கும் சிம்புவின் 'மாநாடு'!

சுரேஷ் காமாட்சி தயாரிப்பில், வெங்கட் பிரபு இயக்கத்தில் 'மாநாடு' படத்தில் நடித்துள்ளார் சிம்பு. கடந்த பொங்கலுக்கு சிம்பு நடிப்பில் வெளியான 'ஈஸ்வரன்' படத்திற்கு பிறகு நீண்ட காலமாக இந்த படத்திற்காக காத்திருக்கின்றனர் ரசிகர்கள். இந்நிலையில் 'மாநாடு' படம் ரிலீஸ் குறித்த அதிகாரப்பூர்வ அறிவிப்பை வெளியிட்டுள்ளனர் படக்குழுவினர்.

'மாநாடு' படத்தில் சிம்புவிற்கு ஜோடியாக கல்யாணி நடித்துள்ளார். இவர் சிவகார்த்திகேயனின் 'ஹீரோ' படத்தின் மூலம் தமிழ் சினிமாவிற்கு அறிமுகமானவர. இவர்களுடன் எஸ்ஏ சந்திரசேகர், பாரதிராஜா, எஸ்.ஜே.சூர்யா, பிரேம்ஜி, அரவிந்த் ஆகாஷ், ஒய்.ஜி.மகேந்திரன், வாகை சந்திர சேகர், டேனியல் பாலாஜி, மனோஜ், பிரேம்ஜி, உதயா மற்றும் கருணாகரன் உள்ளிட்ட நட்சத்திர பட்டாளங்களே இந்தப்படத்தில் நடித்துள்ளனர்.

அண்மையில் 'மாநாடு' படத்தின் 'மெர்ஸைலா' என்கிற ஃபர்ஸ்ட் சிங்கிள் வெளியாகி ரசிகர்களிடம் வரவேற்பை பெற்றது. இந்தப் பாடலை யுவனும், அவரது சகோதரி பவதாரணியும் இணைந்து பாடி இருந்தனர். இந்த படத்தின் இசை வெளியீட்டு உரிமையை யுவனின் யு1 ரெக்கார்ட்ஸ் பெற்றுள்ளது குறிப்பிடத்தக்கது.

திரையரங்குகளில் வெளியாகும் சிவகார்த்திகேயனின் 'டாக்டர்': உற்சாகத்தில் ரசிகர்கள்!
அதனை தொடர்ந்து அண்மையில் 'மாநாடு' படத்தின் படப்பிடிப்பு முழுவதும் நிறைவடைந்து போஸ்ட் புரொடெக்ஷன் பணிகள் துவங்க உள்ளதாக படக்குழுவினர் அறிவித்தனர். இந்நிலையில் 'மாநாடு' படம் தீபாவளிக்கு வெளியாக உள்ளதாக படக்குழுவினர் அதிகாரப்பூர்வமாக அறிவித்துள்ளனர். ஏற்கனவே ரஜினியின் 'அண்ணாத்த' படம் தீபாவளிக்கு வெளியாக உள்ளதாக படக்குழு அறிவித்திருந்தது. இந்நிலையில் தற்போது தீபாவளி ரேஸில் 'மாநாடு' படமும் இணைந்துள்ளது குறிப்பிடத்தக்கது.


'மாநாடு' படத்தில் அப்துல் காலிக் என்ற இஸ்லாமிய இளைஞர் வேடத்தில் நடிததுள்ளார் சிம்பு. அரசியல் மாநாடு ஒன்றில் நடக்கும் அதிரடியான திருப்பங்கள் கொண்ட நிகழ்வுகளை மையமாக வைத்து இந்த படம் உருவாக்கப்பட்டுள்ளது. 'மாநாடு' படத்தை தொடர்ந்து சிம்பு தற்போது கெளதம் மேனன் இயக்கத்தில் 'வெந்து தணிந்தது காடு' படத்தில் நடித்து வருவது குறிப்பிடத்தக்கது.