STR சிம்பு மேட்டர் கேள்விப்பட்டீங்களா?: நீங்க நம்பாட்டாலும், அது தான் நிஜம்

சிம்பு லாக்டவுனுக்கு முன்பு மாநாடு படத்தில் நடித்து வந்தார். இந்நிலையில் சுசீந்திரன் இயக்கத்தில் கிராமத்து பின்னணி கொண்ட கதையில் நடிக்க ஒப்புக் கொண்டார்.

இதற்கிடையே தன் உடல் எடையை 30 கிலோ வரை குறைத்து ஒல்லிக்குச்சியானார் சிம்பு. சுசீந்திரன் படத்தில் நடிக்க வந்த கையோடு சமூக வலைதளங்களில் மீண்டும் என்ட்ரி கொடுத்தார். சுசீந்திரன் இயக்கத்தில் தான் நடிக்கும் படத்தின் பெயர் ஈஸ்வரன் என்று கூறி ஃபர்ஸ்ட் லுக் போஸ்டர் மற்றும் மோஷன் போஸ்டரை வெளியிட்டார்.

அந்த போஸ்டர்களை பார்த்த சிம்பு ரசிகர்கள் மட்டும் அல்ல பிற நடிகர்களின் ரசிகர்களும் அசந்து தான் போனார்கள். சிம்புவா இது என்று வியக்காதவர்களே இல்லை எனலாம். ஒரே மாதத்தில் படப்பிடிப்பை நடத்தி முடிக்கப் போகிறார் சுசீந்திரன் என்று கூறினார்கள். அது எப்படிய்யா ஒரு மாசத்துல முடியும் என்று பலர் கேள்வி எழுப்பினார்கள். மேலும் சிம்புவை வைத்துக் கொண்டு நடக்கிற காரியமா இது என சிலர் கிண்டலும் செய்தார்கள்.

இந்நிலையில் சிம்பு ஈஸ்வரன் படத்தில் நடித்து முடித்துவிட்டார். 22 நாட்கள் தொடர்ந்து படப்பிடிப்பில் கலந்து கொண்டு தீயாக நடித்து தன் காட்சிகளை முடித்துக் கொடுத்துவிட்டார் சிம்பு. அவர் இப்படி தீயாக வேலை பார்ப்பதை பார்த்து ரசிகர்கள் மகிழ்ச்சி அடைந்துள்ளனர். மற்றவர்களோ, நம்ப முடியவில்லை, ஆனால் இது தான் நிஜமாக நடக்கிறது என்கிறார்கள்.

ஈஸ்வரன் படம் பொங்கல் பண்டிகை ஸ்பெஷலாக ஓடிடியில் அல்ல மாறாக தியேட்டர்களில் வெளியாகவிருக்கிறது. கொரோனா வைரஸ் பிரச்சனையால் 8 மாதங்களாக மூடப்பட்டிருக்கும் தியேட்டர்கள் வரும் 10ம் தேதி திறக்கப்படுகின்றன என்பது குறிப்பிடத்தக்கது.

மாநாடு படத்தின் ஷூட்டிங் அடுத்த வாரம் துவங்கவிருக்கிறது. அந்த ஷூட்டிங்கில் அடுத்து கலந்து கொள்கிறார் சிம்பு. மாநாடு படத்தில் அவர் அப்துல் காலிக் என்கிற கதாபாத்திரத்தில் நடிக்கிறார். மாநாடு படத்தில் சிம்பு அரசியல் பேசுவதை பார்க்கத் தான் ரசிகர்கள் ஆவலுடன் காத்துக் கொண்டிருக்கிறார்கள்.

பரதம் கற்கும் சிம்பு: சொல்லிக் கொடுப்பது விஜய்ணா 'தங்கச்சி'

இதற்கிடையே சிம்பு நடிகை சரண்யா மோகனிடம் பரதநாட்டியம் வேறு கற்றுக் கொண்டிருக்கிறார்.