Simba Tamil Movie: சிம்பா படத்தில் சிம்பு பாடிய "பிஞ்சுல பிஞ்சுல" பாடல் வீடியோ வெளியீடு!

பரத் நடிப்பில் உருவாகியுள்ள சிம்பா படத்தில் இடம் பெற்றுள்ள பிஞ்சுல பிஞ்சுல என்ற பாடல் வீடியோ வெளியாகியுள்ளது.

தமிழ் சினிமாவில் வளர்ந்து வரும் நடிகர்களில் ஒருவராக இருப்பவர் நடிகர் பரத். தற்போது சினிமா வாய்ப்பு குறையத் தொடங்கியுள்ளதைத் தொடர்ந்து முக்கியத்துவம் வாய்ந்த கதைகளை மட்டும் தேர்வு செய்து அதில், நடிப்பதில் அதிக ஆர்வம் காட்டி வருகிறார்.

தற்போது இயக்குனர் அரவிந்த் ஸ்ரீதர் இயக்கத்தில் சிம்பா என்ற படத்தில் நடித்துள்ளார். இப்படத்தில் பரத் உடன் இணைந்து பானு ஸ்ரீ மெஹ்ரா, ரமணா, பிரேம்ஜி அமரன் ஆகியோர் பலர் நடித்துள்ளனர். உண்மைக் கதையை மையப்படுத்திய இப்படம் தினந்தோறும் வாழ்க்கையில் நடக்கும் சம்பவத்தை சித்தரிக்கும் விதமாக அமைந்துள்ளது. மேலும், புதிதாக அறிமுகமாகும் ஒருவரால் வாழ்க்கையில் நிகழும் மாற்றங்களையும் இப்படம் விவரிக்கிறது.

இந்த நிலையில், இப்படத்தில் சிம்பு பாடிய பிஞ்சுல பிஞ்சுல என்ற பாடலின் வீடியோ வெளியாகியுள்ளது என்பது குறிப்பிடத்தக்கது. இப்படத்திற்கு விஷால் சந்திரசேகர் இசையமைத்துள்ளார். பாடலுக்கு விவேகா பாடல் வரிகள் அமைத்துள்ளார் என்பது குறிப்பிடத்தக்கது.