சிவகார்த்திகேயன் குறித்து அன்று அப்படி, இன்று இப்படி பேசும் சிம்பு!

சீனியர் நடிகர்களுக்கே சவால் விடும் வகையில் உள்ளது நடிகர் சிவகார்த்திகேயனின் வளர்ச்சி. அதிக ரசிகர்களையும், வசூல் சாதனைகளையும் நிகழ்த்திவரும் நடிகர்களின் பட்டியலில் இடம் பிடித்துவிட்டார். ரெமோ படம் வெளிவந்த பிறகு, தான் சந்தித்த பிரச்னைகளை மேடையிலே பகிர்ந்து கொண்டார் இவர். இதற்கு தன் முழு ஆதரவையும் தெரிவித்து முதல் ஆளாக நடிகர் சிம்பு டுவிட்டரில் பதிவிட்டார்.

ஆனால் சில வருடங்களுக்கு முன்பு இளம் நடிகர்கள் குறித்து சிம்புவிடம் கேள்வி ஒன்று கேட்கப்பட்டது. அதில் விஜய் சேதுபதி மற்றும் சிவகார்த்திகேயனின் பெயர்கள் இருந்தது. விஜய் சேதுபதியை தனக்கு மிகவும் பிடிக்கும் என்றும், அவர் தனக்கென ஒரு பாதை அமைத்து செல்கிறார் என்று சிம்பு கருத்து தெரிவித்தார். ஆனால் ஒரு சிலர் மற்றவர்களின் தோளில் பயணம் செய்கிறார்கள், அதெல்லாம் சில நாட்களுக்குத்தான் என்று சிம்பு கருத்து தெரிவித்திருந்தார்.

அப்போது நடிகர் தனுஷ் தயாரிப்பில் சிவகார்த்திகேயன் நடித்துக்கொண்டு இருந்தார் என்பது குறிப்பிடத்தக்கது. ஆனால் தற்போது சிவகார்த்திகேயனை சிம்பு புகழ்ந்து தள்ளுகிறார், ஆதரவு தருகிறார்.