Pathu Thala Teaser: ஒவ்வொரு சீனும் தெறிக்குது.. பயரு பயரு: வெறித்தனமான 'பத்து தல' டீசர்.!

சிம்பு ரசிகர்களின் மிக நீண்ட எதிர்பார்ப்பில் உள்ளது 'பத்து தல'. இந்தப்படத்தில் முரட்டுத்தனமான தாதாவாக நடித்துள்ளார் சிம்பு. கடந்த வருடம் டிசம்பர் மாதமே வெளியாக வேண்டிய இந்தப்படம் தொடர்ந்து தள்ளிபோய், தற்போது இந்த மாதம் வெளியாகவுள்ளது. இந்தப்படத்திற்கான புரமோஷன் பணிகள் முழு வீச்சில் நடைபெற்று கொண்டிருக்கும் நிலையில் 'பத்து தல' படத்தின் முரட்டுத்தனமான டீசர் தற்போது வெளியாகியுள்ளது.

'மாநாடு' படத்திற்கு பிறகு சிம்பு நடிப்பில் 'வெந்து தணிந்தது காடு' படம் வெளியானது. விண்ணைத்தாண்டி வருவாயா, அச்சம் என்பது மடைமையடா போன்ற வெற்றி படங்களை கொடுத்த காம்போ மூன்றாவது முறையாக இணைந்ததால் ரசிகர்கள் இந்தப்படத்தை எக்கச்சக்கமாக எதிர்பார்த்தனர். கடந்த மாதம் வெளியான இந்தப்படத்திற்கு அமோக வரவேற்பு கிடைத்ததை தொடர்ந்து இரண்டாவது பாகம் விரைவில் உருவாகும் என்றும் படக்குழுவினர் அறிவித்துள்ளனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்தப்படத்திற்கு முன்பாகவே 'பத்து தல' படத்தில் நடிக்க கமிட் ஆனார் சிம்பு. கெளதம் கார்த்திக் முதன்மை கதாபாத்திரத்தில் நடிக்கும் இந்தப்படத்தில் கெஸ்ட் ரோலில் நடிக்க கமிட் ஆனார் சிம்பு. கன்னடத்தில் வெளியாகி மரண மாஸ் ஹிட்டடித்த 'முப்தி' படத்தில் தமிழ் ரீமேக்காக 'பத்து தல' படம் உருவானது. கன்னடத்தில் இயக்கிய நரதனே தமிழில் இயக்க ஆரம்பித்தார்.

அதன்பின்னர் ஒருசில பிரச்சனைகளால் அவர் இந்தப்படத்திலிருந்து விலகியதை தொடர்ந்து 'சில்லுன்னு ஒரு காதல்' கிருஷ்ணா 'பத்து தல' படத்தை இயக்க ஆரம்பித்தார். கன்னடத்தில் சிவராஜ்குமார் மிரட்டிய தாதா கேரக்ரில் சிம்பு நடிப்பதும், அதற்காக அடர்த்தியான தாடி மீசையுடன் மாஸ் லுக்கில் அவர் இருந்ததும் ரசிகர்கள் மத்தியில் எக்கச்சக்க எதிர்பார்ப்பினை கிளப்பியது.

Simbu, Kamal: ஆண்டவருடன் இணையும் சிம்பு: கொல மாஸ் சம்பவம் நடக்க போகுது.!

இந்நிலையில் 'பத்து தல' படத்தின் அட்டகாசமான டீசர் தற்போது வெளியாகியுள்ளது. சிம்புவின் குரலுடன் ஆரம்பிக்கும் இந்த வீடியோ, அவர் பேசும் அதிரடியான வசனங்களால் எதிர்பார்ப்பை எகிற செய்துள்ளது. 'மண்ணை ஆள்றவனுக்கு தான் எல்லை. மண்ணை அள்ற எனக்கு அது இல்லை. என்னால எத்தனை பேர் செத்தானும் தெரியாது. எத்தனை பேர் வாழ்ந்தானும் தெரியாது' என்பதை போல் டீசரில் இடம்பெற்றுள்ள தெறி வசனங்கள் ரசிகர்களை கொண்டாட்டத்தில் ஆழ்த்தியது.

'பத்து தல' டீசரை பார்த்த ரசிகர்கள் பக்காவான ஆக்ஷன் பேக்காக படம் உருவாகியுள்ளதாக கமெண்ட் அடித்து வருகின்றனர். 'பத்து தல' படத்தில் சிம்பு, கெளதம் கார்த்திக்குடன் இணைந்து கெளதம் மேனன், ப்ரியா பவானி சங்கர், கலையரசன், டிஜே, மனுஷ்யபுத்திரன் உள்ளிட்டோர் நடித்துள்ளனர். ஏ.ஆர். ரஹ்மான் இசையமைத்துள்ள 'பத்து தல' படம் வரும் மார்ச் 30 ஆம் தேதி ரிலீசாகவுள்ளது குறிப்பிடத்தக்கது.

தி லெஜண்ட்: இதுக்காகத்தான் காத்துட்டு இருந்தோம்: அதிரடி அறிவிப்பால் குஷியான ரசிகர்கள்.!