‘விண்ணை தாண்டி வருவாயா 2’ படத்தில் இணையும் சிம்பு, த்ரிஷா?!

கவுதம் மேனன் இயக்கத்தில் கடந்த 2010ம் ஆண்டு சிம்பு, த்ரிஷா நடிப்பில் வெளியான படம் ‘விண்ணை தாண்டி வருவாயா’. இந்தப் படம் மிகப்பெரிய வெற்றியைப் பெற்றது. இந்தப் படத்திற்கு ஏ.ஆர்.ரஹ்மான் இசையமைத்திருந்தார். இந்நிலையில் இந்த படத்தின் இரண்டாம் பாகம் விரைவில் உருவாகும் என எதிர்பார்க்கப்பட்டது. இந்த படத்தின் கதையும் இரண்டாம் பாகம் தொடர்வது போலவே முடிக்கப்பட்டிருக்கும்

இந்த நிலையில் கவும் மேனன், சிம்பு, ஏ.ஆர்.ரஹ்மான், மீண்டும் ஒரு படத்தில் இணையவுள்ள மீடியாக்களில் செய்தி வெளியானது. இவர்கள் இணையும் படம் ‘விண்ணை தாண்டி வருவாயா 2’ படமாக இருக்க வாய்ப்பு உள்ளதாக கூறப்பட்டது.

இந்த நிலையில் சிம்புவுடன் த்ரிஷா நெருக்கமாக உள்ள புகைப்படம் ஒன்று இன்று வெளியாகியுள்ளது. இந்தப் புகைப்படத்தைப் பார்த்தால் மீண்டும் ‘விண்ணை தாண்டி வருவாயா 2’ உருவாக வாய்ப்புகள் அதிகமாக இருப்பதாக தெரிகிறது.

இருப்பினும் இதுகுறித்து இயக்குனர் கவுதம் மேனனிடம் இருந்து அதிகாரபூர்வமாக தகவல் வரும்வரை காத்திருப்போம்.