நடிகர் சிம்புவின் தந்தையும், பிரபல இயக்குனருமான டி.ராஜேந்திரன் உடல்நலக்கோளாறு காரணமாக மருத்துவமனையில் அனுமதிக்கப்பட்டுள்ளதாக தகவல் வெளியாகியுள்ளது. தமிழ் சினிமாவில் நடிப்பு, இயக்கம், தயாரிப்பு, வசனம், இசை என பன்முக திறமை கொண்டவர் டி. ராஜேந்தர்.
1980 களில் இவரது இயக்கத்தில் வெளியான அனைத்து படங்களும் பிளாக்பஸ்டர் ஹிட்டடித்துள்ளது. அதோடு தனது படங்களில் பல புது முகங்களை அறிமுகப்படுத்தியுள்ளார் டி. ராஜேந்தர். இவர் மூலம் அறிமுகமான அமலா , நளினி , ஜோதி , ஜீவிதா மற்றும் மும்தாஜ் உட்பட பல நடிகைகள் பிற்காலத்தில் தென்னிந்திய சினிமாவில் வெற்றி பெற்றி நாயகியாக வலம் வந்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
சினிமாவில் மட்டுமல்லாமல் அரசியலிலும் ஆர்வம் செலுத்தி வந்தார் ராஜேந்தர். கடந்த 2004 ஆம் ஆண்டு திமுகவில் இருந்து விலகி அனைத்திந்திய லட்சிய திராவிட முன்னேற்றக் கழகத்தை உருவாக்கினார். 1996 சட்டமன்றத் தேர்தலில் பார்க் டவுன் தொகுதியில் இருந்து தேர்ந்தெடுக்கப்பட்டார் . அதோடு சிறு சேமிப்புத் திட்டத்தின் துணைத் தலைவராக ஆக்கப்பட்டார். ஆனால் அந்த பதவியை ராஜினாமா செய்தார்.
இந்நிலையில் தீடீரென உடல்நல குறைவு காரணமாக டி. ராஜேந்தர் மருத்துவமனையில் அனுமதிக்கப்பட்டுள்ளதாக தகவல்கள் வெளியாகியுள்ளன.கடந்த நான்கு நாட்களாக மருத்துமனைவியில் தீவிர சிகிச்சை பிரிவில் அனுமதிக்கப்பட்டுள்ள டி. ராஜேந்தர், அபாயகட்டத்தை தாண்டிவிட்டதாகவும் கூறப்படுகிறது.
மேலும் மேல் மருத்துவ சிகிச்சைக்காக தனது தந்தையை நடிகர் சிம்பு சிங்கப்பூருக்கு அழைத்து செல்லவிருப்பதாக தகவல் வெளியாகியுள்ளது. இந்த செய்தி ரசிகர்கள் மத்தியில் சோகத்தை ஏற்படுத்தியுள்ளது. டி. ராஜேந்தர் விரைவில் பூரண நலம் பெற்று வீடு திரும்ப வேண்டுமென்று ரசிகர்கள் பிரார்த்தனை செய்து வருகின்றனர்.