கவுதம் மேனன் படத்தில் நடிக்க சிம்புவுக்கு எத்தனை கோடினு தெரிந்தால் ஷாக் ஆகிடுவீங்க

சிம்பு, கவுதம் மேனன் மூன்றாவது முறையாக கூட்டணி சேர்ந்திருக்கிறார்கள். அந்த படத்திற்கு நதிகளிலே நீராடும் சூரியன் என்று தலைப்பு வைத்துள்ளனர். ஐசரி கணேஷ் தயாரிக்கும் நதிகளிலே நீராடும் சூரியன் படத்திற்காக சிம்புவுக்கு ரூ. 10 கோடிக்கும் மேல் சம்பளமாம். அவர் கெரியரில் ரூ. 10 கோடியை தாண்டியிருப்பது இதுவே முதல் முறையாகும்.

தனக்கு கைவந்த கலையான காதல் மற்றும் ஆக்ஷன் கலந்து தான் படம் எடுக்கிறார் கவுதம் மேனன். அவர் முழு ஸ்க்ரிப்ட் எழுதி வைத்து ஷூட்டிங்கிற்கு வந்ததாக சரித்திரம் இல்லை. இந்நிலையில் யாரும் எதிர்பாராவிதமாக நதிகளிலே நீராடும் சூரியன் படத்தின் முழு ஸ்க்ரிப்ட் வேலையையும் முடித்துவிட்டாராம். என்னாது, படப்பிடிப்புக்கு முன்பே கவுதம் ஸ்க்ரிப்ட் எழுதி முடித்துவிட்டாரா என்று கோடம்பாக்கத்தில் வியந்து பேசிக் கொண்டிருக்கிறார்கள்.

சிம்பு, கவுதம் மேனன் கூட்டணி சேர்ந்திருக்கும் படத்திற்கு இசைப்புயல் ஏ.ஆர். ரஹ்மான் இசையமைக்கிறார். அதனால் பாடல்கள் கண்டிப்பாக ஹிட் தான். நதிகளிலே நீராடும் சூரியன் படத்தின் ஷூட்டிங் அடுத்த மாதம் துவங்கவிருக்கிறது. இது சிம்பு மற்றும் கவுதம் மேனன் கெரியரில் முக்கியமான படமாக அமையும் என்ற நம்பப்படுகிறது.

வெங்கட் பிரபு இயக்கத்தில் மாநாடு படத்தில் நடித்து முடித்துள்ளார் சிம்பு. படப்பிடிப்பின் கடைசி நாள் அன்று படக்குழுவினருக்கு விலை உயர்ந்த பரிசுகள் கொடுத்து திக்குமுக்காட வைத்திருக்கிறார். சிம்பு பரிசளித்த கைகடிகாரத்தை புகைப்படம் எடுத்து ட்விட்டரில் வெளியிட்டு நன்றி தெரிவித்தார் வெங்கட் பிரபு. மாநாடு படத்தை தியேட்டர்களில் பார்த்து ரசிக்க ரசிகர்கள் காத்துக் கொண்டிருக்கிறார்கள்.