ஒய்.ஜி. மகேந்திரனை சிபாரிசு செய்த சிம்பு!

நடிகர் சிம்பு தன் படத்தில் நடிக்க ஒய்.சி. மகேந்திரனை சிபாரிசு செய்ததாக கூறப்படுகிறது.

இயக்குநர் ஆதிக் ரவிச்சந்திரன் இயக்கத்தில் சிம்பு தற்போது நடித்து வரும் படம் ‘அன்பானவன் அசராதவன் அடங்காதவன்’. இதில் ஸ்ரேயா, விடிவி கணேஷ், மஹத், மொட்டை ராஜேந்திரன் ஆகியோர் முக்கிய வேடங்களில் நடித்து வருகின்றனர். இப்படத்தின் முதற்கட்ட படப்பிடிப்பு சமீபத்தில் நிறைவுப் பெற்றது.

சிம்பு இப்படத்தில் நடிக்க நடிகர் ஒய்.ஜி.மகேந்திரனை சிபாரிசு செய்துள்ளதாக கூறப்படுகிறது. இதைப்பற்றி ஒய்.ஜி.மகேந்திரன் கூறுகையில், ‘‘‘அன்பானவன் அசராதவன் அடங்காதவன்’ படத்தில் ஸ்ரேயாவின் தந்தை வேடத்தில் நடிக்க என்னை கேட்டு உள்ளனர். காமெடிக்கு முக்கியத்துவம் இல்லாத வேடங்களில் நடித்து வந்த எனக்கு இப்படத்தில் மீண்டும் காமெடி செய்ய வாய்ப்புக் கிடைக்கும் என்று எதிர்பார்க்கிறேன். மேலும் சிம்பு படத்தில் நடிக்க எனக்கு மிகவும் பிடிக்கும் இப்படத்தில் ஸ்ரேயாவின் தந்தை வேடத்தில் நான் தான் நடிக்க வேண்டும் என்று இயக்குநர் என்னிடம் கூறினார். எனக்கு மிகவும் மகிழ்ச்சியாக இருக்கிறது’’ என்றார்.