நிதியுடன் லிவ் இன் முறைப்படி வாழும் சிம்பு?: உண்மை இதோ

சிம்பு தன் உடல் எடையை வெகுவாக குறைத்த பிறகு நடித்த ஈஸ்வரன் படத்தில் அவருக்கு ஜோடியாக நடித்தார் நிதி அகர்வால். இந்நிலையில் சிம்புவுக்கும், நிதி அகர்வாலுக்கும் இடையே காதல் ஏற்பட்டுள்ளதாகவும், இருவரும் சேர்ந்து லிவ் இன் முறைப்படி வாழ்ந்து வருவதாகவும் தகவல் வெளியாகி தீயாக பரவியது.

அடேங்கப்பா, சிம்பு வாழ்வில் மீண்டும் காதல் வந்துவிட்டதா?. இந்த காதலாவது திருமணத்தில் முடியட்டும் என்றார்கள் ரசிகர்கள். ஆனால் அவர்கள் ஆசைப்பட்டது போன்று எதுவும் நடக்காது. ஏனென்றால் சிம்புவும், நிதி அகர்வாலும் காதலர்களே இல்லையாம்.

காதல் பேச்சு குறித்து நிதி அகர்வாலுக்கு நெருக்கமான ஒருவர் கூறியிருப்பதாவது, இது எப்படி கிளம்பியது என்றே தெரியவில்லை. சிம்புவும், நிதியும் காதலிக்கவில்லை. இதில் உண்மை இல்லை. ஈஸ்வரன் படத்தில் சேர்ந்து நடித்ததால் அவர்களுக்கு இடையே பழக்கம் ஏற்பட்டது. அவ்வளவு தான் என்றார்.

சிம்புவின் வாழ்வில் காதல் வருவதும், போவதுமாக இருந்தது. ஒரு காலத்தில் நயன்தாராவை காதலித்தார். பின்னர் வாலு படத்தில் நடித்தபோது சிம்புவுக்கும், ஹன்சிகாவுக்கும் இடையே காதல் ஏற்பட்டது. ஆனால் அந்த காதல் ஏற்பட்ட வேகத்தில் முறிந்துவிட்டது. சிம்புவுக்கும், த்ரிஷாவுக்கும் இடையே காதல் என்று கூட பேசப்பட்டது என்பது குறிப்பிடத்தக்கது.