சோஷியல் மீடியாவில் என்ட்ரி கொடுத்த சிம்பு: ட்விட்டரை தெறிக்கவிடும் ரசிகர்கள்

சிம்புவை சமூக வலைதளங்களில் பார்க்க ரசிகர்கள் ஆசைப்பட்டார்கள். இந்நிலையில் 22ம் தேதி காலை 9.09 மணிக்கு சிம்பு ட்விட்டர், இன்ஸ்டாகிராம், ஃபேஸ்புக்கில் மீண்டும் என்ட்ரி கொடுக்கிறார் என்று அறிவிப்பு வெளியிடப்பட்டது.

அறிவித்தபடி சரியாக 9.09 மணிக்கு சிம்பு சமூக வலைதளங்களில் என்ட்ரி கொடுத்து வீடியோ ஒன்றை வெளியிட்டுள்ளார். சுசீந்திரன் படத்திற்காக உடல் எடையை வெகுவாக குறைத்துள்ள சிம்புவின் முகத்தை பார்க்க ரசிகர்கள் ஆவலாக இருக்கிறார்கள். ஆனால் சிம்பு வெளியிட்டுள்ள வீடியோவில் அவர் முகமே தெரியவில்லை.
முகம் தெரியாதது ஏமாற்றம் தான் என்றாலும் சிம்பு மீண்டும் சமூக வலைதளங்களுக்கு வந்ததே போதும் என்று கூறி ரசிகர்கள் கொண்டாடுகிறார்கள். இதனால் #SilambarasanTR என்கிற ஹேஷ்டேக் ட்விட்டரில் தேசிய அளவில் டிரெண்டாகி வருகிறது.

இனி சிம்பு அவ்வப்போது தன் புகைப்படங்கள், வீடியோக்களை வெளியிடுவதுடன், படங்கள் குறித்த அப்டேட்டும் கொடுப்பார் என்று எதிர்பார்க்கப்படுகிறது. மேலும் நாட்டு நடப்புகள் குறித்தும் கருத்து தெரிவிப்பார் என்கிற எதிர்பார்ப்பு உள்ளது.

சிம்பு தற்போது சுசீந்திரன் இயக்கத்தில் நடித்து வருகிறார். படப்பிடிப்பை ஒரே மாதத்தில் நடத்தி முடிக்க திட்டமிட்டுள்ளார் சுசீந்திரன். இந்த படத்திற்காக சிம்பு தன் உடல் எடையை ஒரேயடியாக குறைத்து ஒல்லியாகிவிட்டார். சிம்பு நடிக்க வந்த புதிதில் இருந்தது போன்றே இருக்கிறார் என்று கூறி ரசிகர்கள் சந்தோஷப்பட்டுள்ளனர்.

கிராமத்து பின்னணி கொண்ட இந்த படத்தில் சிம்புவுக்கு ஜோடியாக நிதி அகர்வால் நடித்து வருகிறார். படப்பிடிப்பு விறுவிறுப்பாக நடந்து வருகிறது. சிம்புவின் லுக் மற்றும் எந்த காட்சிகளும் கசிந்து விடாமல் இருக்க படப்பிடிப்பு தளத்திற்கு யாரும் செல்போன் கொண்டு வரக் கூடாது என்று உத்தரவிட்டுள்ளாராம் சுசீந்திரன். அதனால் படப்பிடிப்பு நடக்கிறது என்பது மட்டும் தான் தெரியுமே தவிற வேறு எந்த அப்டேட்டும் இல்லை.

சிம்பு, சுசீந்திரன் கூட்டணி சேர்ந்துள்ள படத்திற்கு சம்பவம் என்று பெயர் வைக்கக்கூடும் என்று கூறப்படுகிறது. சிம்புவின் லுக் வெளியாகிவிடக் கூடாது என்பதில் சுசீந்திரன் கவனமாக இருப்பாதல் தான் அவர் தன் புகைப்படத்தை சமூக வலைதளத்தில் வெளியிட்டிருக்க மாட்டார் போன்று.

சிம்பு ரசிகாஸுக்கு 2 குட் நியூஸ்: எதை முதலில் சொல்ல

சிம்பு-சுசீந்திரன் படத்தின் ஃபர்ஸ்ட் லுக் விஜயதசமி அன்று வெளியாகவிருக்கிறது என்பது குறிப்பிடத்தக்கது.