நல்ல பொண்ணா காட்டுங்க சார் கட்டிக்கிறேன்: சிம்பு

வெங்கட் பிரபு இயக்கத்தில் சிம்பு நடித்திருக்கும் மாநாடு படம் நாளை தியேட்டர்களில் ரிலீஸாகவிருக்கிறது. இந்நிலையில் மாநாடு படத்தின் விளம்பர நிகழ்ச்சி ஹைதராபாத்தில் நடந்தது.அதில் கலந்து கொண்ட சிம்புவிடம் திருமணம் பற்றி கேட்கப்பட்டது. அதற்கு அவரோ, நல்ல பொண்ணா காட்டுங்க சார் என்று பதில் அளித்தார்.

படம் குறித்து சிம்பு கூறியதாவது,

மாநாடு ஒரு அரசியல் ஆக்ஷன் தில்லர் படம். படத்தை ஷூட் செய்வது மிகவும் கடினமாக இருந்தது. மொத்த படக்குழுவும் கடினமாக உழைத்திருக்கிறது.

நேரடி தெலுங்கு படங்களில் நடிக்க ஆர்வமாக இருக்கிறேன். இனிமேல் என் படங்கள் தெலுங்கிலும் ரிலீஸ் செய்யப்படும்.

நான் கொரோனா குமார் என்கிற காமெடி படத்தில் நடிக்கிறேன். பத்து தல படம் நன்றாக வந்து கொண்டிருக்கிறது. நான் மீண்டும் கவுதம் மேனன் இயக்கத்தில் நடிக்கிறேன். அந்த படம் தமிழ் மற்றும் தெலுங்கில் ரிலீஸாகும்.

என் மீது நம்பிக்கை வைத்து எப்பொழுதும் எனக்கு ஆதரவாக இருக்கும் ரசிகர்களை ஒருபோதும் அதிருப்தி அடைய வைக்க மாட்டேன் என்றார்.

சிம்பு இப்படி செய்வார்னு சத்தியமா எதிர்பார்க்கல

முன்னதாக சென்னையில் நடந்த விழாவில் தனக்கு பிரச்சனை மேல் பிரச்சனை கொடுக்கிறார்கள் என்று கூறி கண் கலங்கினார் சிம்பு. பிரச்சனைகளை நான் பார்த்துக் கொள்கிறேன், என்னை மட்டும் நீங்க பார்த்துக்கோங்க என்று ரசிகர்களிடம் கூறினார்.