மணிரத்னம் இயக்கும் படத்தில் சிம்புவுக்கு ஜோடி ஐஸ்வர்யா ராய்!?

தமிழ் சினிமாவில் முன்னணி இயக்குனராக இருப்பவர் மணிரத்தினம். சமீபத்தில் இவர் இயக்கத்தில் வெளியான மல்டி ஸ்டார் படம் ‘செக்க சிவந்த வானம்’. இந்தப் படம் உலகம் முழுவதும் வெளியாகி மிக பெரிய வரவேற்பை பெற்றது.

இந்நிலையில் இயக்குனர் மணிரத்னம் தனது அடுத்தப் படத்தையும் மல்டி ஸ்டார் படமாக இயக்கவுள்ளார். மேலும் அந்த படத்தில் சிம்பு, விக்ரம், விஜய் ஆகியோரை நடிக்க வைக்க முயற்சி செய்து வருவதாகவும் தகவல்கள் கிடைத்து இருந்தன.

இந்நிலையில் சிம்பு, விக்ரம் ஆகியோர் நடிக்க சம்மதித்துள்ளதாக தெரிகிறது. படத்தில் சிம்புவுக்கு ஜோடியாக நடிக்க ஐஸ்வர்யா ராயிடம் பேச்சு வார்த்தைகள் நடந்து வருகின்றன. இதனால் இந்த படத்தில் சிம்புவுக்கு ஜோடியாக ஐஸ்வர்யா ராய் நடிக்க அதிக வாய்ப்புகள் இருப்பதாக தகவல்கள் கிடைத்துள்ளன.