அமெரிக்காவில் ‘ஏஏஏ’ சிறப்பு காட்சிகள் திடீர் ரத்து!

சிம்புவின் நடிப்பில் உருவான ‘ஏஏஏ’ படத்தின் சிறப்பு காட்சிகள் அமெரிக்காவில் நேற்று ரத்து செய்யப்பட்டது.

ஆதிக் ரவிச்சந்திரன் இயக்கத்தில் சிம்பு நடிப்பில் உருவான படம் ‘அன்பானவன் அசராதவன் அடங்காதவன்’. இந்தப் படம் இன்று உலகம் முழுவதும் வெளியாகியுள்ளது. இருப்பினும் அமெரிக்காவில் உள்ள முக்கிய நகரங்களில் பிரிமியர் காட்சிகளுக்கு நேற்று ஏற்பாடு செய்யப்பட்டிருந்தது.

இந்த பிரிமியர் காட்சிகள் நேற்று திடீரென ரத்து செய்துவிட்டதாகவும், இந்த காட்சிக்காக முன்பதிவு செய்தவர்களுக்கு பணம் திருப்பி அளிக்கப்பட்டுள்ளதாகவும், அமெரிக்காவில் உள்ள சிம்பு ரசிகர்கள் டுவிட்டரில் பதிவு செய்துள்ளனர்.பிரிமியர் காட்சிகள் ரத்து செய்யப்பட்டதற்கான காரணம் தெரியவில்லை மேலும் சென்னை உள்பட ஒருசில முக்கிய நகரங்களில் இந்த படத்திற்கு இன்று அதிகாலை காட்சிக்கும் ஏற்பாடு செய்யப்பட்டுள்ளது என்பது குறிப்பிடத்தக்கது.