பாகுபலி ஸ்டைலில் வெளிவருகிறது சிம்புவின் படம்!

இன்று உலகம் முழுவதும் பாகுபலி பற்றிய பேச்சாக தான் இருக்கிறது. இந்திய சினிமாவின் கௌரவம் என்று பாகுபலி திரைப்படம் பார்க்கப்படுகிறது. இந்நிலையில் நடிகர் சிம்பு தனது திரைப்படத்தை பாகுபலி ஸ்டைலில் வெளியிட இருக்கிறார் என்ற தகவல் வெளியாகியுள்ளது. நடிகர் சிம்பு இயக்குநர் ஆதிக் ரவிச்சந்திரன் இயக்கத்தில் நடித்துவரும் படம் அன்பானாவன் அசராதவன் அடங்காதவன். இதில் சிம்புவுடன் ஸ்ரேயா, தமன்னா, சனா கான் ஆகிய மூன்று ஹீரோயின்கள் நடித்து வருகின்றனர்.

சமீபத்தில் நான்காவதாக ஒரு வேடத்தில் நடிப்பதாக சிம்பு கூறியிருந்த நிலையில், படம் குறித்த புதிய தகவல் வெளியாகியுள்ளது. அது என்னவென்றால் அஅஅ படம் பாகுபலி போன்று இரண்டு பாகங்களாக வெளிவருகிறதாம். படத்தின் முதல் பாகத்தை ஜூன் 23ஆம் தேதி வெளியிட திட்டமிட்டுள்ளனர். அன்பானவன் அசராதவன் அடங்ராதவன் படத்தின் டீசர் வெளியாகி பெரும் வரவேற்பை பெற்றுள்ள நிலையில் இந்த புதிய அறிவிப்பு சிம்பு ரசிகர்களை மகிழ்ச்சியில் ஆழ்த்தியுள்ளது.