பார்த்திபன் படத்தில் கௌரவ வேடத்தில் சிம்ரன்!

பார்த்திபன் இயக்கும் படத்தில் நடிகை சிம்ரன் கௌரவ வேடத்தில் நடிக்கவுள்ளார்.

பார்த்திபன் தற்போது இயக்கி வரும் படம் ‘கோடிட்ட இடங்களை நிரப்பு’. இந்தப் படத்தின் ஹீரோவாக சாந்தனு நடிக்கிறார். அவருக்கு ஜோடியாக பார்வதி நாயர் நடிக்கிறார். மேலும் படத்தில் பார்த்திபன், தம்பி ராமையா உள்ளிட்ட பலர் நடித்து வருகின்றனர்.

இந்நிலையில் தற்போது கௌரவ வேடத்தில் நடிகை சிம்ரன் நடிக்கவுள்ளார். இதுகுறித்து சிம்ரன் கூறுகையில், “பார்த்திபன் இயக்கத்தில் நடிப்பது எனக்கு சந்தோஷமாக இருக்கிறது. இந்தப் படத்தில் நான் சிறிது நேரம் வந்து சென்றாலும் என்னுடைய கேரக்டர் உங்கள் மனதில் பதியும்படியாக இருக்கும். மேலும் படங்களில் சிறிய கேரக்டரில் நடிக்க அழைத்தாலும் அது எனக்கு பிடித்திருந்தால் கண்டிப்பாக நடிப்பேன்’’ என்றார் சிம்ரன்.