பிரபல பாடகியிடம் தவறான முறையில் பேசிய யூடியூப் விமர்சகர் பிரசாந்த்!!

தமிழ் சினிமாவின் மிகவும் பிரபலமான பின்னணி பாடகியான சின்மயி, யூடியூப் விமர்சகர் பிரசாந்த் தன்னிடம் தவறான முறையில் பேசியதாக கூறி, தனது ட்விட்டர் பக்கத்தில் ஒரு சில ஸ்க்ரீன் ஷாட்களை பகிர்ந்துள்ளார்.

இப்போதெல்லாம் ஒரு படம் வெளியானால், அந்தப் படத்தை திரையில் பார்க்கும் முன், யூடியூப்பில் விமர்சகர்கள் என்ன சொல்கிறார்கள் என்பதை அறிந்தே, பார்வையாளர்கள் படத்திற்குச் செல்கின்றனர்.

அந்த வகையில், புளு சட்டை என்றழைக்கப்படும் மாறனும் மற்றும் பாண்டா என்றழைக்கப்படும் பிரசாந்த் இருவரும் சமீப காலங்களில் மிகவும் பிரபலமான விமர்சகர்கள். இவர்கள் சொன்னால்தான் படங்கள் நல்ல படங்கள் என்பது போன்ற நிலை நிலவி வருகிறது.
இந்நிலையில், தமிழ் சினிமாவின் மிகப் பிரபலாமான பின்னணி பாடகியான சின்மயி, தனது ட்விட்டர் பக்கத்தில் பதிவு ஒன்றைப் பகிர்ந்துள்ளார். அதில் விமர்சகர் பிரசாந்த், நீங்கள் சூப்பர் பிகர் என்றும், உங்களை நான் விரும்புகிறேன் என்றும் சின்மயிடம் கூறியுள்ள வாட்ஸ் அப் சாட்டின் ஸ்கிரீன் ஷாட்டை ஷேர் செய்துள்ளார். இதுதவிர, மற்றொரு பெண்மணியும் பிரசாந்த் பேஸ்புக்கில் தன்னிடம் தகாத முறையில் பேசியதாக கூறியுள்ளார்.
இதனிடையே, இந்தப் புகார் குறித்து கூறியுள்ள பிரசாந்த், “சின்மயி மீது சுச்சி லீக்ஸில் பல குற்றச்சாட்டுகள் வைக்கப்பட்டன. அதற்கு அவர் மறுப்பு தெரிவித்ததைப் போலவே, இந்தப் புகார்களையும் நான் மறுக்கிறேன்” என தெரிவித்துள்ளார்.