கணவரை விவாகரத்து செய்கிறாரா பாடகி சுசித்திரா?!

பாடகி சுசித்திரா தனது கணவரும், நடிகருமான கார்த்திக் குமாரை விவாகரத்து செய்யவுள்ளதாக தகவல்கள் வெளியாகியுள்ளன.

பாடகி சுசித்திரா, அஜீத், விஜய் படங்களில் பல பாடல்களை பாடியுள்ளார். இவர் கடந்த சில நாட்களாக தனது ட்விட்டர் பக்கத்தில் அதிரடியான ட்வீட்களை பதிவிட்டு வருகிறார்.

அதில் தனுஷ் மற்றும் அவரது நண்பர்களால்தான் தாக்கப்பட்டதாகவும், தான் காயமடைந்த புகைப்படத்தையும் பாடகி சுசித்திரா பதிவிட்டு இருந்தார். இந்த விஷயம் பெரும் சர்ச்சையானது. ஒளிப்பதிவாளர் பிசி ஸ்ரீராமின் மகனும், நடிகருமான கார்த்திக் குமாரை திருமணம் செய்திருந்தார். கடந்த 2000ல் ‘அலைபாயுதே‘ படம் மூலம் சினிமாவிற்கு அறிமுகமானவர் கார்த்திக் குமார். தற்போது பல படங்களில் நடித்து வருகிறார். ‘யாரடி நீ மோகினி’ படத்தில் இவர் தனுஷுக்கு நண்பராக நடித்திருப்பார்.

இந்நிலையில், டுவிட்டரில், ‘‘நாங்கள் விவாகரத்து செய்யபோகிறோம்’’ என சுசித்ரா பதிவிட்டுள்ளார்.இவர்களுக்குள் என்ன பிரச்னை, தனுஷை ஏன் இவர் குற்றம்சாட்டுகிறார் என்ற கேள்வியும் எழுந்துள்ளது. தனது நடிப்புக்கு ஏற்ற கதாபாத்திரம் கிடைக்கவில்லை என்று சமீபத்தில் இவரது கணவர் கார்த்திக்கும் திரையுலகில் இருந்து விலகுவதாக அறிவித்து இருந்தார் என்பது குறிப்பிடத்தக்கது.

Singer Suchitra divorces her husband?