இந்த கூட்டணி இணைந்தால் ரசிகர்களுக்கு கொண்டாட்டம் தான்!

ஜீவா நடித்த 'சிவா மனசுல சக்தி' திரைப்படத்தின் மூலம் திரையுலகில் இயக்குனராக அறிமுகமானவர் ராஜேஷ். அப்போது 'எஸ்.எம்.எஸ்' என குறிப்பிடப்பட்ட அப்படத்தில் இளமை ததும்பும் கொண்டாட்டமான காதல், எதார்த்தமான கோபங்கள், முரண் என எல்லாமும் அசலாக பதிவு செய்யப்பட்டிருக்கும்.

நகைச்சுவைத் தனமாக சொல்லப்பட்டாலும் ஒரு மெல்லிய காதல் கதையை 'சிவா மனசுல சக்தி' ரசிகர்களிடம் கொண்டுவந்து சேர்த்தது. அதன் பிறகு அதேபாணியில், இன்னும் சொல்ல வேண்டுமென்றால் காதல் ஊடல்களை தாண்டி நட்பு, காமெடி என ட்ரைக்கை மாற்றி வரிசையாக படங்களை இயக்கினார் ராஜேஷ். 'சிவா மனசுல சக்தி' படத்திற்கு பிறகு 'பாஸ் என்கிற பாஸ்கரன்' கிளைமாக்சில் ஜீவா வந்து அசத்துவார்.

ஆனால், இக்கூட்டணி முழுதாக மீண்டும் ஒரு படத்தில் இணைந்தால் எப்படி இருக்கும்? அதற்கான பேச்சுவார்த்தை தான் இப்போது தொடங்கியிருக்கிறது. அடுத்ததாக சன் பிக்சர்ஸ் தயாரிப்பில் ஜி.வி. பிரகாஷ் நடிக்கும் படத்தை ராஜேஷ் இயக்கவுள்ளதாக தெரிகிறது.

அதேசமயம் ஜீவா நடிக்கும் படத்தையும் அவர் தொடங்கவுள்ளதாக நம்பகமான தகவல்கள் வெளிவந்துள்ளன. 'சிவா மனசுல சக்தி' படத்தில் யுவன் ஷங்கர் ராஜாவின் இசை மிகப்பெரியய பலமாக இருந்தது. யுவனின் மயக்கும் இசையில் காதல் பாடல்கள் இளம் ரசிகர்களை எப்படி ஆட்டிப்படைக்குமென விளக்கி சொல்ல தேவையில்லை. அதனை 'ஒரு கல் ஒரு கண்ணாடி' பாடலை கேட்டாலே புரிந்துகொள்ளலாம். அந்த அளவிற்கு அப்படத்தில் யுவனின் இசை உருக வைத்திருக்கும்.


'ஒரு கல் ஒரு கண்ணாடி' பாடல் கொடுத்த வரவேற்பில் அதே பெயரில் ஒரு படத்தையும் ராஜேஷ் இயக்கியது நினைவிருக்கலாம். எனவே மீண்டும் ஜீவா - ராஜேஷ் கூட்டணி இணைந்தால் அதில் யுவனின் மாயாஜாலம் நிகழும் என எதிர்பார்க்கலாம்.

சித்தி நடிகையிடம் இருந்து இதை தான் கத்துக்கிட்டேன்: வாரிசு நடிகை

இப்போதைக்கு பேச்சுவார்த்தை அளவில் இருக்கும் இந்த கூட்டணி உறுதியானால், 2021 ஜனவரியில் படப்பிடிப்பை தொடங்க திட்டமிட்டிருக்கிறார்களாம்.