கமல்ஹாசனுக்கு அறுசுவை விருந்து கொடுத்த சிவாஜி குடும்பத்தினர்!

1960ம் ஆண்டு வெளியான களத்தூர் கண்ணம்மா படம் மூலம் தமிழ் திரையுலகில் அறிமுகமானவர் கமல்ஹாசன். அதன்படி பார்த்தால் திரைத்துறையில் கமல்ஹாசன் 60-வது ஆண்டில் இருக்கிறார். இதையொட்டி கமல்ஹாசனுக்கு திரைத்துறையினர் மற்றும் அரசியல் தலைவர்கள் வாழ்த்து தெரிவித்து உள்ளனர்.

இந்த நிலையில் கமல்ஹாசனை, சென்னை தி.நகரில் உள்ள அன்னை இல்லத்திற்குச் சிவாஜி கணேசன் குடும்பத்தினர் அழைத்துள்ளனர். அவர்களின் அழைப்பு ஏற்று கமல்ஹாசன் தன் மகள் ஸ்ருதிஹாசனுடன் சென்றுள்ளார்.

Thala60: மீண்டும் வி சென்டிமெண்ட்டில் அஜித்: தல 60 படத்தின் டைட்டில் அறிவிப்பு!

அங்கு பிரபு சார்பில் கமல்ஹாசனுக்கு மதிய விருந்து அளிக்கப்பட்டுள்ளது. அதன் பின்னர் பிரபுவின் குடும்பம் சிறு கவிதை பொறித்த மடலை பரிசளித்துள்ளனர்.


அந்தக் கவிதை,

அரிதாரம் முதல்தாரம் ஆன நடிப்பின் அவதாரம் சிவாஜி
அவர் வெள்ளித்திரை விஞ்ஞானி
அவரின் தலைமகன் நீ கலைஞானி!
நடிகர் திலக நாயகனே பாராட்டிய
உலக நாயகனே!
நீ நடிப்பை ஆண்டு, ஆனது அறுபது ஆண்டு!
நீ ஊரை ஆண்டு, உலகை ஆண்டு
வாழ்ந்திடுக நூறாண்டு!

இந்தியன் 2: ஒரு சண்டைக் காட்சியின் பட்ஜெட் மட்டுமே 40 கோடியா? வாய்பிளக்கும் நெட்டிசன்கள்..

இது குறித்து கமல்ஹாசன் தனது ட்விட்டர் பக்கத்தில், 'அன்னை இல்லத்தில் அறுசுவை விருந்து. வழக்கம் போல் நிறைய அன்பும் பரிமாறப்பட்டது. தம்பி பிரபு வாசித்து அளித்த பாராட்டு மடலின் வாசகங்கள் என்னை கண் கலங்க வைத்தது. மனது புன்னகைத்தது' என்று பதிவிட்டுள்ளார்.