Namma Veetu Pillai: நம்ம வீட்டு பிள்ளையான சிவகார்த்திகேயன்: கொண்டாட்டத்தில் ரசிகர்கள்!

தமிழ் சினிமாவில் மாஸ் ஹீரோக்களில் ஒருவராக இருப்பவர் நடிகர் சிவாகார்த்திகேயன். மெரினா படத்தின் மூலம் இவரை ஹீரோவாக அறிமுகப்படுத்தியவர் இயக்குனர் பாண்டிராஜ். தொடர்ந்து மனம் கொத்தி பறவை, எதிர்நீச்சல், கேடி பில்லா கில்லாடி ரங்கா, வருத்தப்படாத வாலிபர் சங்கம், ரஜினி முருகன், ரெமோ என்று வரிசையாக பல படங்களில் நடித்துள்ளார். அண்மையில், இவரது நடிப்பில் மிஸ்டர் லோக்கல் என்ற படம் வெளியானது.

தற்போது, இரும்புதிரை படத்தை இயக்கிய இயக்குனர் பிஎஸ் மித்ரன் இயக்கத்தில் ஹீரோ என்ற படத்தில் விறுவிறுப்பாக நடித்து வருகிறார். இந்த நிலையில், எஸ்கே 16 என்ற படத்தை இயக்குனர் பாண்டிராஜ் இயக்கி வருகிறார். இப்படத்தின் டைட்டில் லுக் போஸ்டர் மற்றும் ஃபர்ஸ்ட் லுக் போஸ்டர் வெளியாகி ரசிகர்களிடையே நல்ல வரவேற்பு பெற்று வருகிறது.

Also Read: Thala60: தல60 படத்தை மறைமுகமாக வெளிப்படுத்திய அஜித்!


அதன்படி, இப்படத்திற்கு நம்ம வீட்டு பிள்ளை என்று டைட்டில் வைக்கப்பட்டுள்ளது. பாண்டிராஜ் இயக்கி வரும் இப்படத்தை சன் பிக்சர்ஸ் நிறுனம் தயாரித்து வருகிறது. டைட்டில் வைத்து பார்க்கும் போது கிராமத்து கதையாக இருக்கும் என்று கூறப்படுகிறது. இப்படத்தில் சிவகார்த்திகேயனுடன் இணைந்து ஐஸ்வர்யா ராஜேஷ், பாரதிராஜா, யோகி பாபு, ஆர்.கே.சுரேஷ், சூரி, நடராஜன் சுப்பிரமணியம், அனு இம்மானுவேல் ஆகியோர் நடிக்கின்றனர். இமான் இப்படத்திற்கு இசையமைத்துள்ளார்.

Also Read: Ajith Kumar: அசால்ட்டா பேட்ட, என்ஜிகே வசூலை முறியடித்த தல அஜித்தின் நேர்கொண்ட பார்வை!

முதலில் இப்படத்திற்கு எங்க வீட்டு பிள்ளை என்று டைட்டில் வைக்கப்பட்டுள்ளதாக தகவல் வெளியாகியுள்ளது. இது எம்ஜிஆர் படத்தின் டைட்டில் என்பதால், இப்படத்திற்கு நம்ம வீட்டு பிள்ளை என்று டைட்டில் வைத்துள்ளனர் என்பது குறிப்பிடத்தக்கது. இப்படம் காந்தி ஜெயந்தியை முன்னிட்டு வரும் அக்டோபர் 2ம் தேதிதிரைக்கு வரும் என்று எதிர்பார்க்கப்படுகிறது. ஆனால், போஸ்டரில் படம் செப்டம்பர் கொண்டாட்டம் என்று குறிப்பிடப்பட்டுள்ளது என்பது குறிப்பிடத்தக்கது. இன்னும் ஒரு மாதமே இருப்பதால், படத்தை விரைந்து முடிக்க படக்குழுவினர் தீவிர படப்பிடிப்பில் இருப்பதாக கூறப்படுகிறது. விரைவில், இப்படத்தின் டிரைலர் மற்றும் இசை வெளியீட்டு விழா அடுத்தடுத்து வரும் என்று தெரிகிறது.

Also Read: ரஜினிக்கு எதிராக கருத்து சொன்ன விஜய் சேதுபதி !!