சிவகார்த்திகேயன் நடிப்பில் அண்மையில் வெளியான 'டாக்டர்' படம் ரசிகர்களிடம் அமோக வரவேற்பினை பெற்றது. அதனை தொடர்ந்து அறிமுக இயக்குனர் சிபி சக்கரவர்த்தி இயக்கும் 'டான்' படத்தில் நடித்து முடித்துள்ளார். இந்தப்படத்தின் பர்ஸ்ட் லுக் போஸ்டர் அண்மையில் வெளியாகி வரவேற்பை பெற்றது. இந்நிலையில் இந்தப்படத்தின் ரிலீஸ் குறித்த தகவல் வெளியாகியுள்ளது.
'டான்' படத்தை அட்லியிடம் உதவி இயக்குனராக பணியாற்றிய சிபி சக்கரவர்த்தி இயக்குகிறார். இந்த படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடித்துள்ளனர்.
அனிருத் இசையமைத்துள்ள இந்த படத்தை லைக்கா நிறுவனத்துடன் இணைந்து சிவகார்த்திகேயன் புரொடேக்சன்ஸ் தயாரித்துள்ளது. அண்மையில் 'டான்' படப்பிடிப்பு முழுவதுமாக நிறைவடைந்ததாக படக்குழுவினர் அறிவித்தனர். இது சம்பந்தமான புகைப்படமும் வெளியாகி இணையத்தில் வைரலானது.
அதனை தொடர்ந்து படத்தின் பர்ஸ்ட் சிங்கிள் வெளியானது. 'டங்காமாரி ஊதாரி மற்றும் ஆலுமா டோலுமா பாடல்கள் புகழ் ரோகேஷ் எழுதிருந்த "ஜலபுலஜங்கு" பர்ஸ்ட் சிங்கிளை அனிருத் பாடியிருந்தார். இந்தப்பாடல் ரசிகர்கள் மத்தியில் அமோக வரவேற்பினை பெற்றுள்ளது.
'மாநாடு' படத்தில் எஸ்.ஜே. சூர்யாவின் மிரட்டலான நடிப்பை கொண்டாடி தீர்த்த ரசிகர்கள் அடுத்ததாக அவர் நடித்துள்ள 'டான்' படத்தை காண ஆவலாக உள்ளனர். சிவகார்த்திகேயன் கல்லூரி மாணவராக நடித்துள்ள இந்தப்படத்தில் எஸ்.ஜே. சூர்யா கல்லூரி முதல்வராக நடித்துள்ளார். இதனால் இந்தப்படத்திற்கு ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது.
இந்நிலையில் 'டான்' படம் மார்ச் 25 ஆம் தேதி ரிலீசாக உள்ளதாக தகவல்கள் வெளியாகியுள்ளன. ஏப்ரலில் விஜய்யின் 'பீஸ்ட்', கே.ஜி.எப் போன்ற பெரிய பட்ஜெட் படங்கள் ரிலீசாவதால் அதற்கு முன்பாகவே 'டான்' படம் வெளியாக உள்ளதாக கூறப்படுகிறது. இந்த தகவல் ரசிகர்கள் மத்தியில் உற்சாகத்தை கிளப்பியுள்ளது.
'டான்' படத்தை அட்லியிடம் உதவி இயக்குனராக பணியாற்றிய சிபி சக்கரவர்த்தி இயக்குகிறார். இந்த படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடித்துள்ளனர்.
அனிருத் இசையமைத்துள்ள இந்த படத்தை லைக்கா நிறுவனத்துடன் இணைந்து சிவகார்த்திகேயன் புரொடேக்சன்ஸ் தயாரித்துள்ளது. அண்மையில் 'டான்' படப்பிடிப்பு முழுவதுமாக நிறைவடைந்ததாக படக்குழுவினர் அறிவித்தனர். இது சம்பந்தமான புகைப்படமும் வெளியாகி இணையத்தில் வைரலானது.
அதனை தொடர்ந்து படத்தின் பர்ஸ்ட் சிங்கிள் வெளியானது. 'டங்காமாரி ஊதாரி மற்றும் ஆலுமா டோலுமா பாடல்கள் புகழ் ரோகேஷ் எழுதிருந்த "ஜலபுலஜங்கு" பர்ஸ்ட் சிங்கிளை அனிருத் பாடியிருந்தார். இந்தப்பாடல் ரசிகர்கள் மத்தியில் அமோக வரவேற்பினை பெற்றுள்ளது.
'மாநாடு' படத்தில் எஸ்.ஜே. சூர்யாவின் மிரட்டலான நடிப்பை கொண்டாடி தீர்த்த ரசிகர்கள் அடுத்ததாக அவர் நடித்துள்ள 'டான்' படத்தை காண ஆவலாக உள்ளனர். சிவகார்த்திகேயன் கல்லூரி மாணவராக நடித்துள்ள இந்தப்படத்தில் எஸ்.ஜே. சூர்யா கல்லூரி முதல்வராக நடித்துள்ளார். இதனால் இந்தப்படத்திற்கு ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது.
இந்நிலையில் 'டான்' படம் மார்ச் 25 ஆம் தேதி ரிலீசாக உள்ளதாக தகவல்கள் வெளியாகியுள்ளன. ஏப்ரலில் விஜய்யின் 'பீஸ்ட்', கே.ஜி.எப் போன்ற பெரிய பட்ஜெட் படங்கள் ரிலீசாவதால் அதற்கு முன்பாகவே 'டான்' படம் வெளியாக உள்ளதாக கூறப்படுகிறது. இந்த தகவல் ரசிகர்கள் மத்தியில் உற்சாகத்தை கிளப்பியுள்ளது.