Sivakarthikeyan: சிவகார்த்திகேயனின் ‘Mr.லோக்கல்’ ரிலீஸ் தேதி திடீரென ஒத்தி வைப்பு!

சிவகார்த்திகேயன் நடிப்பில் உருவாகி வரும் மிஸ்டர் லோக்கல் படத்தின் ரிலீஸ் தேதி மாற்றப்பட்டுள்ளது.

எம்.ராஜேஷ் இயக்கத்தில் சிவகார்த்திகேயன் நடிப்பில் உருவாகி வரும் படம் Mr.லோக்கல். வேலைக்காரன் படத்தைத் தொடர்ந்து இப்படத்தில் சிவகார்த்திகேயனுக்கு ஜோடியாக நயன்தாரா நடித்துள்ளார். இப்படத்திற்கு ஹிப் ஹாப் ஆதி இசையமைத்துள்ளார். இந்தப் படத்தை ஸ்டுடியோ க்ரீன் நிறுவனம் சார்பில் ஞானவேல் ராஜா தயாரித்துள்ளார்.

TN HSC 12th Results Out: வழக்கம் போல் மாணவர்களை விட மாணவியர் அதிகளவில் தேர்ச்சி!

காமெடிக்கு முக்கியத்துவம் கொடுக்கப்பட்டு உருவாக்கப்பட்டுள்ள இப்படத்தில் ராதிகா சரத்குமார், சதீஷ், யோகி பாபு உள்ளிட்ட பலர் நடித்துள்ளனர். இப்படம் உழைப்பாளர் தினம் மற்றும் தல அஜித்தின் பிறந்தநாளான மே 1ம் தேதி வெளியாக உள்ளதாக தகவல் வெளியானது.

வெள்ளைப் பூக்கள் - திரை விமர்சனம்

ரிலீஸுக்கு தயாராவதை உறுதிப்படுத்தும் விதமாக சமீபத்தில், டீசர் மற்றும் 2 பாடல்கள் வெளியிடப்பட்டது ரசிகர்களிடம் நல்ல வரவேற்பை பெற்றது.

இந்த படம் மே 1-ஆம் தேதி ரிலீஸ் செய்யத் திட்டமிட்டிருந்த நிலையில் படத்தின் ரிலீஸ் மே 17ம் தேதிக்கு தள்ளி வைக்கப்பட்டுள்ளதாக தயாரிப்பு நிறுவனம் டுவிட் செய்து அதிகாரப்பூர்வமாக அறிவித்துள்ளது.