தங்க தமிழனை நேரில் சந்தித்த சிவகார்த்திகேயன்

சென்னை : ஆஸ்திரேலியாவின் கோல்ட் கோஸ்ட் நகரத்தில் 21வது காமன்வெல்த் விளையாட்டு போட்டிகள் நடந்தன. இதில் இந்தியா 26 தங்கம், 20 வெள்ளி, 20 வெண்கல பதக்கங்கள் என மொத்தம் 66 பதக்கங்கள் வென்று 3வது இடத்தை பிடித்தது.

தங்கமகன் சதிஷ் சிவலிங்கம்:
இதில் பளுதூக்கும் விளையாட்டு போட்டியில் 77 கிலோ எடைப்பிரிவில் தமிழகத்தை சேர்ந்த சதீஷ் சிவலிங்கம் கலந்து கொண்டு தங்க பதக்கம் வென்று அசத்தினார்.

சிவகார்த்திகேயன் அழைப்பு:

சதீஷை பாராட்டும் விதமாக அவரை தனது இல்லத்துக்கு சிவகார்த்திகேயன் அழைப்பு விடுத்திருந்தார்.
தொடர்ந்து சதீஷ் சிவகார்த்திகேயன் வீட்டுக்கு சென்று பேசி மகிழ்ந்தார்.
இதுகுறித்து சதீஷ் தனது டுவிட்டர் பக்கத்தில் பதிவுசெய்துள்ளதாவது, “சிறந்த மனிதரை சந்தித்ததில் மகிழ்ச்சி. சிவகார்த்திகேயனை பதக்கத்துடன் சந்தித்தேன். அவரது அரவணைப்பும், வார்த்தைகளும் என்னை நிறைய ஊக்கப்படுத்தின. சிவகார்த்திகேயன் கொடுத்த அன்பான பரிசுக்கு நன்றி. ” என தெரிவித்துள்ளார்.